УИХ-ын гишүүн Н.Наранбаатарыг үндэслэлгүй хөрөнгөжсөн, эрх мэдэл, албан тушаалын байдлаа урвуулан ашиглаж, бусдад давуу байдал олгосон хэрэгт буруутгаж, хууль хяналтын байгууллагаас шалгаж, хэргийг нь прокурорт шилжүүлээд байгаа. Эндээс харвал, Н.Наранбаатарын хэргийг прокурор л хэрэгсэхгүй болгочихгүй шүүхээр шийдэгдэх нь нэгэнт тодорхой болсон. Нэгэн цагт, “нүүрсний хулгайч” гэж зарлагдаж, гишүүний бүрэн эрхээсээ бүдрэх нь холгүй “айж” байсан Н.Наранбаатар ямартай ч хуулийн байгууллагын байнгын үйлчлүүлэгч байсан. Гэвч хачирхалтай нь, тэрбээр дахин нэр дэвшиж, говийн бүсэд хүч үзэж байна.

Бид түүнээс шүүхэд шилжихэд бэлэн болсон хэргийнх талаар холбогдож тодруулахад дараах тайлбарыг өгсөн юм.  

       -Танд холбогдох хэргийг прокурорт шилжүүлсэн. Энэ хэрэг ямар шатандаа явж байгаа вэ?

        -Мөрдөн шалгах ажиллагааны нууц учраас энэ хэргийг талаар би мэдээлэл өгөхгүй. Сонгуулийн ажил үргэлжилж байна” хэмээн мэдээлэл өгөхөөс татгалзлаа. Сонгуулийн сурталчилгаа эхэлсэн учраас түүний хэргийг түр хугацаанд царцаагаад байгаа аж.

Ташрамд дурдахад, УИХ-ын гишүүн Н.Наранбаатарыг санхүүжүүлдэг байж болзошгүй “Жавхлант-Орд” ХХК-ийн удирдлагуудыг хууль хяналтын байгууллагаас шалгаж эхэлжээ. Бүр тус компанийн ерөнхий санхүүч Б, нягтлан бодогч Ц нарыг цагдан хорьсон байдаг.