Говь-Алтай аймгийн Бугат суманд цас орсон гэх мэдээлэл олон нийтийн сүлжээгээр цацагдсан. Бугат сумын цаг агаарын нөхцөл байдал ямар байгаа талаар тус сумын цаг уурч Л.Даваасүрэнгээс тодрууллаа.

   Тэрбээр “Манай сум Говь-Алтай аймгийн хамгийн өндөрлөг бүсэд оршдог. Тийм учраас зуны улиралд цаг агаарт өөрчлөлт орж, зарим үед цас ордог. Энэ нь манай сумынхны хувьд энгийн үзэгдэл. Өнгөрсөн шөнө зуслангийн бүсэд буюу сумын хамгийн өндөрлөг хэсэг буюу уулархаг нутгаар 3-5 см цас орсон. Хяруу төдий цас орсон учир богино хугацаанд хайлсан. Харин 08:00 цагийн үед нийт нутгаар бороо орсон. Манай суманд энэ жил сайхан зуншлага болж байна” гэв.