УИХ-ын сонгуульд нэр дэвшигч Ч.Ундрамын ухуулагчаар ажиллаж байсан хоёр иргэн өнгөрсөн амралтын өдөр усанд живж, амиа алдсан гэх харамсалтай мэдээлэл бий. Дуудлагын дагуу тус аймгийн Онцгой байдлын газрын Шарын гол сум дахь Гал түймэр унтраах, аврах 55 дугаар ангийн алба хаагчид хэргийн газар очиж 19 настай эрэгтэй М, 18 настай эрэгтэй И нарыг эрэн хайх ажиллагааг зохион байгуулж, тухайн өдрийн 18:44 цагт И-ын, 20:00 цагт М-ын цогцсыг уснаас гаргаж Цагдаагийн байгууллагад шилжүүлэн өгчээ.

   Амиа алдсан иргэд Ч.Ундрам гишүүний ухуулагчаар ажиллаж байсан эсэх талаар тус сумын Засаг даргаас тодрууллаа. Тэрбээр “Усанд живж амиа алдсан иргэд Ч.Ундрам гишүүний ухаалагчаар ажиллаж байсан эсэх талаар мэдээлэл өгөх боломжгүй. Цагдаагийн байгууллага шалгаж байгаа” гэсэн юм.