Засгийн газрын хэрэг эрхлэх газрын дарга Д.Амарбаясгалан Сонгуулийн ерөнхий хороонд бичиг хүргүүлсэн.

            Энэ талаар тэрбээр "МАН-ын сонгуулийн төв штабаас шийдвэр гаргаад нэр дэвшигч Г.Сайханбаярын сонгуулийн сурталчилгааны үйл ажиллагааг зогсоох, эргүүлэн татах асуудлаар СЕХ-нд албан бичиг хүргүүлж байна. Энэхүү үүсээд буй асуудалтай холбоотойгоор тодорхой улс төрийн намын удирдлага тухайн тойрогт нэр дэвшигчдийн зүгээс энэ золгүй явдлыг улс төрийн компанит ажлынхаа хэсэг болгон ашиглаж байгаад харамсаж байгаагаа илэрхийлж байна. Энэ сонгуулийн үйл ажиллагааны хууль үндсэндээ ёс зүйн асуудалд илүү хариуцлагатай хандах нь зүйтэй" гэв.