• Өнөөдөр 2024-02-21

Хотын дарга шинэ журмуудыг нь НИТХ-аар батлуулахыг эсэргүүцсэн сөрөг хүчнийг “хөлсний жагсагчид” гэв

2024-02-08,   1163

Нийслэлийн Засаг дарга бөгөөд Улаанбаатар хотын захирагч Х.Нямбаатарын сар хүрэхгүй хугацаанд боловсруулж, УИХ-аар батлуулсан “Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах” хуулийг дагаж гарсан зургаан журмыг өнөөдөр НИТХ-аар батлуулахаар оруулж ирснийг НИТХ дахь АН-ын бүлэг болон Нийслэлийн Ардчилсан намаас эсэргүүцэж хэвлэлийнхэнд мэдээлэл хийлээ.

                      Тодруулбал, “Тээврийн хэрэгслийн улсын дугаар хязгаарлах, оршуулгын зардал нэмэх, нийтийн тээврийн сан байгуулах, тээврийн хэрэгслийн татвар нэмэх” зэрэг олон ноцтой асуудлуудыг хэлэлцэхээр оруулжээ.

Нийслэлийн АН-ын дэд дарга Ж.Энхбат: Амьдралдаа нэг машин авахад машинаасаа үнэтэй дугаар авах гэж байна.  Хоёрдугаарт, оршуулгын журам гэдгийг өнөөдөр батлах гэж байна. Монгол Улсад өнөөдөр бид өв соёлоороо зан заншлаараа талийгаачийгаа бид нар гаргаж оршуулдаг боловч оршуулгын журам нэрийдлээр оршуулгын зан үйлийг мөнгөжүүлж байна.  Хамгийн бага нь 4.8 сая төгрөгөөр оршуулгын зан үйл хийдэг байсныг одоо 10 сая төгрөг болгох гэнэ.Энэ асуудлыг өнөөдөр эсэргүүцэж үзэл бодлоо илэрхийлж байгаа юм.

НИТХ дахь АН-ын бүлгийн дарга Б.Эрдэнэсүх: Манай нийслэл хот хойд Солонгос шиг дарангуйлал, дээрэм, захиргааны шийдвэрүүд гаргасан хүнд нөхцөл байдалд л  байна. Зам нь түгжрээд явахгүй. Хортой утаанд иргэд нь угаартаж маш олноороо нас барж байна.  Хотын удирдлагууд иргэдийнхээ зорчих эрхийг хязгаарлаад, хувийн өмчид халдаж байна шүү дээ.  Бид нар яг яаж амьдрах вэ энэ нийслэл хотод.  Одоо цагаан сар болох гээд  иргэд маань эд завгүй бужигнаантай байх  үед нь хууль, журмуудаа  баталж байгаа нь үнэхээр харамсалтай байна. Ерөөс хамгийн том алдаа бол иргэдээсээ асуухгүйгээр захирангуй шийдвэрүүд гаргаад байгаад байна.

Нийслэлийн засаг дарга Х.Нямбаатар: Нийслэл маш олон жил тулгамдсан асуудлаа шийдэхгүй явсны үр дагавар яг өнөөдөр гарч байна. Энд нэг хэдэн хөлсний жагсагчдаас болж бид нар зарим шийдвэрээсээ буцахгүй.

Тэгвэл нийтийн эрх ашгийг ноцтойгоор зөрчиж, хязгаарлахаар тусгасан гэх дээрх зургаан журмыг хэлэлцэхийг эсэргүүцсэн НИТХ дахь АН, ХҮН намын бүлэг хуралдааныг орхиж, байр сууриа илэрхийлсэн бол үдээс хойш НИТХ дахь МАН-ын бүлэг олон нийтийн саналыг авч хэлэлцэлгүй, олонхоороо журмаа баталлаа.

 

 

 

 

 

 


Хотын дарга шинэ журмуудыг нь НИТХ-аар батлуулахыг эсэргүүцсэн сөрөг хүчнийг “хөлсний жагсагчид” гэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5
  • Сэтгэгдэл үлдээсэн: 2024-02-13 07:56:27
    а: СОЛОНГОСУУД ГАЗАР АВЧ ОРШУУЛГЫН ГАЗАР НЭЭН ӨНДӨР ҮНЭЭР ТАЛИЙГААЧ МОНГОЛ ИРГЭДЭД ЗАРДАГ ГЭЖ ҮНЭН ШҮҮ
  • Сэтгэгдэл үлдээсэн: 2024-02-11 20:48:10
    S: ANYSIN SEKSEER80955877
  • Сэтгэгдэл үлдээсэн: 2024-02-11 20:47:43
    S: SEKSDI80955877
  • Сэтгэгдэл үлдээсэн: 2024-02-09 15:13:07
    Ойдов: Хөлсний цэргүүд. Хэнд хамаатай. Золбин ноход хуцаж л байг. Бүү тоо. Гагцхүү урагшаа хар. Болж байна. Хотын масс чамайг дэмжиж байгаа шүү
  • Сэтгэгдэл үлдээсэн: 2024-02-09 09:26:50
    zochin: ogchorrrr Nymbaataraa
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188