ХӨСҮТ-ийн хоёр болон Дархан-Уул, Зонозын өвчин судлалын лабораторт нийт 1643 хүнд шинжилгээ хийсэн байна. Үүнээс 20 хүнд коронавирус илэрсэн талаар ЭМЯ-наас 11:00 цагийн мэдээллээр хүргэсэн билээ. Тодруулбал, Улаанбаатар хотод бүртгэгдсэн голомт нийт 15 тохиолдол болсон байна. Сэлэнгэ аймаг ХӨСҮТ-ийн шуурхай баг ажиллаж байгаа бөгөөд шинээр зургаан хүнд илэрсэн байна. Мөн төмөр зам дагуу харьяа газарт шинжилгээ хийж, Говьсүмбэр аймагт нэг хүнд вирус илэрчээ. Дотооддоо халдвар алдсан тохиолдол 30 боллоо. Монгол Улсад коронавирусийн батлагдсан тохиолдол 455, эрдгэрсэн 329, ажиглалтад 17, гэрийн ажиглалтад хоёр хүн байна. ХӨСҮт-эд 119 хүн эмчлүүлж байна. Биеийн байдал хүнд гурав хүндэвтэр 23, хөнгөн 94 хүн байгаа аж.

Тэгвэл Баянзүрх дүүргийн дөрөв, 26 дугаар хороонд коронавирусийн сэжигтэй тохиолдол бүртгэгджээ. Тодруулбал, дөрөвдүгээр хорооны ... байрны үйлчлэгч эмэгтэй өндөр халуурч, өрхийн эмнэлэгтээ хандахад коронавирусийн халдвар гэдэг нь батлагджээ. Түүнийг гурван хүүхдийн хамт тусгаарлаад байгаа аж. Одоогийн байдлаар дөрөвдүгээр хороо, өрхийн эмнэлгийн байр руу хүн нэвтрүүлэхгүй байгаа аж. Харин Баянзүрх дүүргийн 26 хорооны халдвар илэрсэн иргэнийг ХӨСҮТ-д тусгаарлаад байгаа гэх мэдээлэл байна.