Ю.Цэндэнбал агсныг хэлмэгдсэнд тооцуулж, цагаатгуулах тухай нэхэмжлэл бүхий иргэний хэргийг Сүхбаатар дүүргийн Иргэний хэргийн анхан шатны шүүхэд өнөөдөр хэлэлцжээ. Шүүхээс Ю.Цэдэнбал агсныг цагаатгах шийдвэр гарсан байна.

Энэ тухай эргэн сануулбал, 1990 оны Намын төв хорооны VIII бүгд хурлаар “Юмжаагийн Цэдэнбалыг МАХН-ын Төв хорооны Ерөнхий нарийн бичгийн даргын үүрэгт ажил, МАХН-ын Төв хорооны Улс төрийн Товчооны гишүүнээс чөлөөлөх тухай” шийдвэр гарсан байдаг билээ. Мөн 1984 оны МАХН-ын Төв хорооны ээлжит бус VIII бүгд хурлын тогтоолын түүний үйл ажиллагаанд үнэлэлт, дүгнэлт өгсөн гуравдугаар заалтыг хүчингүй болгож, МАХН-ын эгнээнээс хөөсөн байдаг.

    Энэ явдлаас хойш сарын дараа буюу 1984 оны дөрөвдүгээр сарын 18-нд Ардын их хурлын тэргүүлэгчдйин зарлиг гарч Ю.Цэдэнбалд олгосон БНМАУ-ын Улсын баатар, Хөдөлмөрийн баатар, БНМАУ-ын Маршал цол, А.Филатовад хүртээсэн БНМАУ-ын Соёлын гавъяат зүтгэлтэн, Сүхбаатарын одон зэргийг хурааж байсан түүхтэй.

 Харин 1997 онд Ерөнхийлөгч Н.Багабанди дээрх 97 дугаар зарлигийг хүчингүй болгож Ю.Цэдэнбалын цол хэргэм, одон шагналыг нь буцаан олгосон юм. Түүнчлэн МАХН-ын XXII (2003) их хурал түүний намын гишүүнчлэлийг нь сэргээн тогтоосон байна.

Эх сурвалж: Сүхбаатар, Чингэлтэй дүүргийн Иргэний хэргийн анхан шатны шүүхийн Тамгын газар