Сонгинохайрхан дүүргийн 28, Хэнтий аймгийн 18 дугаар тойрогт УИХ-ын нөхөн сонгууль болно. Тодруулбал, 18 дугаар тойрогт  дөрвөн  нэр дэвшигч, 28 дугаар тойрогт арван  нэр дэвшигчийг Сонгуулийн Ерөнхий хороо бүртгэж авсан билээ.  28 дугаар тойрог буюу Сонгинохайрхан дүүрэгт Иргэний Зориг-Ногоон намаас нэр дэвшигч олон улсын тоймч  Ш.Гантулга  өнөөдөр хэвлэлийн бага хурал хийж, сонгуулийн дүнг гараар тоолохыг уриаллаа. 

Тэрбээр "Үндсэн хуульд засаг төрийн бүх эрх мэдэл ард түмний гарт байх ёстой гэж бичсэн байдаг. Түүнээс биш сонгуулийн хар машин юм уу эсвэл тухай машиныг программчилж байдаг хүмүүсийн гарт Засгийн эрх байх ёстой гэсэн үг хуульд байхгүй. Гэтэл сонгуулийн хар машиныг хэрэглэсний улмаас ард түмэн Үндсэн хуульд заасан чухал эрхээ эдэлж чадахгүй байна. Тиймээс бид хар машинаас татгалзах ёстой. Хар машинаас татгалзаж байж зөв сонгууль болно" хэмээлээ.