Ардчилсан намын Үндсэн дүрмийн хорооноос мэдээлэл хийж, тус намын гишүүн Ц.Туваан, З.Энхболд болон нэр бүхий гишүүдийг намаас хөөх үндэслэл байхгүй хэмээн мэдэгдээд буй. Энэ талаар Ардчилсан намын Үндсэн дүрмийн хорооны дарга Б.Мягмардаш "О.Цогтгэрэл даргатай Ардчилсан нам албан ёсных. З.Энхболд, Ц.Туваан, М.Батжаргал нарын нэр бүхий гишүүнийг Ардчилсан намаас хөөгөөгүй” хэмээн мэдэгдээд буй.

 Тэгвэл энэ талаар УИХ-ын гишүүн асан С.Эрдэнэ цахим хаягаараа дамжуулж байр сууриа илэрхийлсэн байна. Тэрбээр “Би өнөөдөр нэгэн цагт сайхан хамтарч явсан нөхрөө (Мягмардаш) намайг шүүмжилж, намаа муулж өөрийнхөө гаргасан шийдвэрээ үгүйсгэн сүржигнэж суухыг хараад үнэхээр гайхлаа. Би нөхрийнхөө Гавьяат цолыг өөрийгөө худалдан байж авсанд үнэхээр гайхаж, ийм хямдхан байсанд нь харамсаж суусан” гэж мэдэгджээ.