Ерөнхийлөгчийн Тамгын газраас өнөөдөр мэдээлэл хийж, Ерөнхийлөгч шүүгчийн томилгоонд оролцдог бүрэн эрхээсээ татгалзаж байгаа талаар мэдээлсэн. Энэ талаар Ерөнхийлөгчийн тамгын газрын дарга Я.Содбаатар "Өнөөдөр Ерөнхийлөгч У.Хүрэлсүх Ерөнхийлөгчийн бүрэн эрхэд байсан хоёр эрхээс татгалзлаа. Нэгдүгээрт, шүүхийн томилгоо, хоёрдугарт, Авлигатай тэмцэх газрын даргыг Ерөнхийлөгч УИХ-д санал болгодог байснаас татгалзаж байгаа юм. Ингэснээр Ерөнхийлөгч Ерөнхий сайд байсан ажлаа үргэлжлүүлж, хүн засагладаг биш хууль засагладаг нийгэм рүү шилжиж байна" гэсэн юм.

Тэгвэл энэ талаар УИХ-ын гишүүн Б.Энхбаяр байр сууриа илэрхийлжээ. Тэрбээр "Хэвлэлээр явж нэг мэдээлэлд залруулга хийхэд, Шүүхийн шинэ хуулиар Ерөнхийлөгчийн бүх шатныг шүүгчдийг томилох бүрэн эрхийг хөндөөгүй бөгөөд тиймд шүүгчдийг томилох эрхээсээ Ерөнхийлөгч татгалзах боломжгүй юм. Энэ нь Үндсэн хуульчлагдсан Ерөнхийлөгчийн онцгой бүрэн эрх юм шүү" гэжээ.