МАН-ын Удирдах зөвлөлийн хурал дөнгөж сая болж өндөрлөлөө. Хурлаар ирэх аравдугаар сард болох нөхөн сонгуульд нэр дэвшигчдийг тодруулсан. Нөхөн сонгуульд тус намаас долоон нэр дэвшигч өрсөлдөх хүсэлтээ хүргүүлсний хоёрыг нь дэвшүүлэх учиртай. Тэгвэл дөнгөж сая нэр дэвшигчдийг тодруулж, Бага хуралдаанаар хэлэлцүүлэхээр болжээ.

Тодруулбал, Сонгинохайрхан дүүрэгт Н.Энхбаярын хүү Э.Батшугарыг, Хэнтий аймагт тус аймгийн Засаг дарга Ц.Идэрбат нарыг нэр дэвшүүлэх санал Удирдах зөвлөлийн гишүүд гаргажээ. Яг одоо МАН-ын Бага хуралдаан болж байна. Хуралдаанаар дээрх нэр дэвшигчдийг баталгаажуулж, Сонгуулийн ерөнхий хороонд хүргүүлэх учиртай.