УИХ-ын дарга Г.Занданшатар хичээлийн шинэ жилийн нээлтэд зориулж мэндчилгээ дэвшүүллээ. 

Тэрбээр “Танхимын, цахим, интерактив, зайны сургалтдаа идэвхтэй оролцож, сурах болон сургах үйлстээ чин сэтгэлээр хичээн шамдсан нийт хүүхэд багачууд, эрдэмтэн багш нартаа Улсын Их Хурлын нэрийн өмнөөс гүн талархал илэрхийлье. Энэ хичээлийн жилд өнгөрсөн хоёр жилд учирсан хохирол, алдсан боломжуудаа нөхөх, арилгах нь хүүхэд, багш, сургууль хамт олны эрхэм зорилго байх болно. Эрдмийн их аян тань саад үгүй дардан байж, Монгол эх орон маань бадран мандах болтугай” хэмээн мэндчилгээ дэвшүүлжээ.