Сүүлийн үед цахим орчин нэлээдгүй шуугиан дэгдээгээд байгаа  “Андлалын хөшөө”-г Ерөнхий сайд Л. Оюун-Эрдэнийн санаачлагаар 5 тэрбум төгрөгөөр барихаар төлөвлөсөн. Гэвч “Андлалын өргөө” цогцолборын гүйцэтгэгчээр  ажилласан “Хос санаа” ХХК барилгын компани цаашид үйл ажиллагаагаа явуулах боломжгүй болсон учраас зогсонги байдалд орсон байна. өнөөдрийг хүртэл хөшөөг бүтээн байгуулахад хоёр тэрбум төгрөг зарцуулсан боловч тус компанийг улсаас хар жагсаалтанд оруулж, төсөвлөсөн мөнгийг эргүүлэн татах шийдвэр гаргасан.

Уг хөшөө нь Урлагийн гавьяат зүтгэлтэн, зураач Д.Эрдэмбилэг агсны бүтээл бөгөөд зургийг сошиалд нийтэлж тухайн зураачийн нэр хүндэд халдаж байгаа нь талийгаачийн гэр бүлд хүндээр туссан учраас оюуны өмчийг ашиглуулахаас татгалзсан байна. Ингэснээр гүйцэтгэгч компани болон зохиогчийн эрхийг эзэмшигчдийн хооронд асуудал үүссэнээр цаашид ажил үргэлжлэх боломжгүй болж зогссон юм. Иймээс БОАЖ-ын сайд Ц.Уртнасан үүсээд байгаа нөхцөл байдалтай очиж танилцан хөшөөг нурааж, шинээр тендер зарлан дахин  барихаар төлөвлөж байгаа талаарх мэдээлэл байна.