Их дээд сургуулийн оюутнуудад хичээлийн жилийг дуустал нийтийн тээвэрт хөнгөлөлттэй зорчих картыг жил бүр олгодог. Тэгвэл 2021-2022 оны хичээлийн жилд олгох картыг хэрхэн  захиалах, эрхийг нь сунгах талаарх мэдээллийг Нийслэлийн Боловсролын газраас танилцууллаа.

Шинээр карт захиалах оюутнууд өөрсдийн харьяа их, дээд сургуулийнхаа сургалтын албанд наймдугаар сарын 25-наас есдүгээр сарын 4-нийг хүртэл хүсэлтээ өгөх юм байна. Харин их, дээд сургуулиуд БШУЯ-наас тогтоосон хяналтын тоонд багтаан есдүгээр сарын дөрөвнөөс 14-ны хооронд дээрх мэдээллийг системд оруулснаар 14-нөөс эхэлж картаа авах боломжтой болно. Оюутанд зориулсан цахим төлбөрийн картыг шинээр авах үнэ 3,600 төгрөг байх юм.