АН-ын гишүүн Ч.Отгочулуу "Л.Оюун-Эрдэнэ сайд саяхан Засгийн газрын 200 хоногийн тайлангаа танилцууллаа. Нэг сайн тал нь ковидгүй зун, ковидгүй өвөл, ковидгүй намар гэж байхгүй гэдгийг ойлгосон байна. Ингэснээр Засгийн газар үнэнтэй эвлэрлээ. Харамсалтай нь, вакумжсан мэдээлэл түгээж, юуг, яаж хийх гэж байгаа нь тодорхойгүй, ажлын төлөвлөгөөгүй байна. Зэс, нүүрсний үнэ нэмэгдэж, гадаад орчин таатай байгаа энэ үед яаж эдийн засгаа баталгаатай болгож, иргэдийн цалин орлогыг нэмэгдүүлэх талаар судалгаа алга. Коммунист засаглал бий болгож, олон хороо байгуулж байгаа юм билээ. Ингээд асуудал шийдэгдэхгүй.

Бидний татварын мөнгөөр цалинжиж байгаа төрийн алба хаагчид багадаагүй. Манай нам үндэсний хэмжээний том намын хувьд Ерөнхий сайдад хандаж, уулзалт хийх санал хүргүүлж байна. Бид эдийн засгийн нөхцөл байдлын талаар мэдээл авч, эдийн засгийн сэргэлтийг баталгаажуулах чиглэлээр саналаа хүргүүлнэ" гэлээ.