Хөшигийн нисэх онгоцны буудал дагасан шинэ суурьшлын бүс байгуулах ажил эхэлсэн гэж УИХ-ын дарга Г.Занданшатар мэдээллээ.

Тэрбээр "Энэхүү суурьшлын бүсийг эхнээс нь зөв зохион байгуулалтай бүтээн байгуулалт эхлүүлж, улмаар Монгол Улсын эдийн засгийн хөгжлийг хоёр дахин нэмэгдүүлэх, Улаанбаатар хотын төвлөрлийг сааруулах, замын түгжрэлийг сааруулах зэрэг олон тулгамдсан асуудлыг шийдэх боломжтой. Тиймээс УИХ-ын зүгээс бодлогоор Хөшигтийн нисэх буудлыг дагасан шинэ суурьшлын бүсэд чөлөөт бүс байгуулах нь зүйтэй гэж үзэж байна.

Санхүүгийн чөлөөт бүсийг байгуулснаар Монгол Улсын эдийн засгийн сэргэлт хоёр дахин нэмэгдэх боломж харагдаж байна. Төр, хамтын ажиллагааг дэмжих, аж ахуйн нэгж, иргэдийг бизнесийн үйл ажиллагааг татвараас чөлөөлөх, ипотекийн зээлийн хүүг бууруулах зэрэг цогц арга хэмжээг авах хэрэгтэй. Өнөөдөр тус суурьшлын бус байгуулах ажлын хэсгийн холбогдох яамдын хүмүүс болон УИХ-ын Эдийн засгийн байнгын хорооны дарга буюу энэхүү ажлын хэсгийн ахлагч Ж.Ганбаатар нартай уулзаж мэдээлэл солилцон, цаашид бүтээн байгуулалтын ажлын түргэвчлүүлэх болон Чөлөөт бүс байгуулах тухай хуулийн төслийг боловсруулах талаар үүрэг чиглэл өглөө.

Аливаа юм бүхэн стандартыг чанд баримталж, зохион байгуулалт, уялдаатай эмх цэгцтэй байж, хөгжлийн баримжааг буй болгох учиртай. Тиймээс Хөшигтийн хөндийг дагасан шинэ суурьшлын бүсэд чөлөөт бүс байгуулахад УИХ-ын зүгээс бодлогын төвшинд анхаарч ажиллах болно" хэмээв.