О.Цогтгэрэл даргатай Ардчилсан намаас цаг үеийн асуудлаар мэдээлэл хийлээ. Тус намын Хэрэг эрхлэх газрын дарга Б.Ган-Очир "Өнөөдөр гурван асуудлаар мэдээлэл хийж байна. Нэгдүгээрт, УИХ-ын 18, 28 дугаар тойрогтой холбоотой асуудлаар хийнэ. Нөхөн сонгуулийн бүртгэл Сонгуулийн ерөнхий хороонд эхэлсэн. Манай нам ҮБХ-ны хурлаараа хэлэлцэж, албан ёсоор Үндэсний аудитын газарт мөрийн хөтөлбөрөө хянуулаад хүлээлгэн өгсөн. Энэ үеэр Сонгуулийн ерөнхий хорооны уур амьсгал маш өөр байсан. Ерөнхийлөгчийн сонгуульд тав хувь хүрэхгүй санал авсан С.Эрдэнэ даргатай АН-ыг сонгуульд захиалсан нь харагдаж байсан. Сонгинохайрхан дүүрэгт С.Эрдэнэ өөрөө нэр дэвшинэ гэх мэдээлэл бий. Дэмжлэг авах уу.

Эрх баригч намтай холбоотой хоёр асуудал байна. Эхнийх нь ардчилсан сонгуулийг булшилдаг, хоёрдугаарт, зохиомол Ардчилсан намыг бий болгож, түүнтэй нь өрсөлддөг. Өнөөдөр Сонгуулийн ерөнхий хороо нөгөө талыг сонгох нь. 

Хоёрдугаарт, МАН-ын байгуулсан УИХ, Засгийн газар сайн ажиллаагүйгээс болж, монголын эдийн засаг ирэх намар, өвөл хэцүүдэх нь. Тяньжин боомтод 150 мянган ачаа байгаагаас 4300 нь Монголын ачаа байгаа. Тэнд байгаа ачаа наашаа огт хөдөлдөггүй. Дээрээс нь үнийн өсөлт гаарлаа. Ерөнхий сайд болон Засгийн газрын кабинет зах зээлээ харахдаа огт учраа олохгүй байна.