УИХ-ын ээлжит бус нөхөн сонгууль аравдугаар сард товлогдож, хуулийн дагуу сонгуулийн бэлтгэл ажил үргэлжилж байна. Нөхөн сонгуульд өрсөлдөх нам, эвсэлүүд Сонгуулийн ерөнхий хороонд өчигдөр мөрийн хөтөлбөрийн тайлангаа хүргүүлсэн. 

Хэнтий аймгийн нөхөн сонгуульд МАН-аас хуульд Л.Батжав нэр дэвшинэ гэдгээ илэрхийлээд буй. Тодруулбал, өнгөрсөн долоо хоногт МАН Бага хурлаа хуралдуулж,, нөхөн сонгуульд гишүүд нэр дэвших хүсэлтээ хүргүүлсэн билээ.

Хуульч Л.Батжав УИХ-ын ээлжит сонгуульд Хэнтий аймгаас бие даан нэр дэвшихээр 801 хүний гарын үсэг цуглуулаад байсан ч МАН-д элссэн юм. 

НӨХӨН СОНГУУЛЬД ӨРСӨЛДӨХ НЭР ДЭВШИХЭЭ ИЛЭРХИЙЛСЭН Л.БАТЖАВ ГЭЖ ХЭН БЭ

Хуульч мэргэжилтэй тэрбээр Хэнтий аймгийн уугуул, удам дамжсан хуулийн хүн гэгддэг. 1886 онд Хэнтий аймгийн Уулбаян, Баяндэлгэр, Түвшинширээ сумын зааг болох Бухын нуруу гэдэг газар төржээ. 

1997 оноос 2006 он хүртэл Хилийн Цэргийн Дээд Сургуульд Эрх зүйн тэнхимийн багш, тэнхимийн эрхлэгч, Ерөнхий суурь эрдэм, хуулийн факультетийн дарга, 2006-2016 онд Монгол Улсын Ерөнхийлөгчийн Тамгын газарт Хууль зүйн бодлого хариуцсан ахлах референт, албаны дарга, 2010-2011 онд Монгол Улсын УИХ-ын тамгын газарт референт, 2011-2013 онд БОАЖЯ-ны Хууль зүйн хэлтсийн дарга, Мэдээлэл хяналт шинжилгээ үнэлгээний газрын дарга, 2013-2016 онд Монгол Улсын УИХ-ын Тамгын газарт Хууль зүйн үйлчилгээний хэлтсийн орлогч дарга, 2016 оноос Монголын хуульчдын холбоо, Өмгөөлөгчдийн холбоонд өмгөөлөгчөөр ажиллаж байжээ. 2017 онд өмгөөллийн “Бест Лав Консалтинг” ХХН байгуулан өнөөдрийг хүртэл захирлаар нь ажиллаж байгаа аж.