Уул уурхай, хүнд үйлдвэрийн яам, Монголбанк, АМГТГ-аас аж ахуй нэгжүүдтэй шатахууны үнийн асуудлаар хамтарсан уулзалт хийж байна.

Энэ үеэр  Уул уурхай, хүнд үйлдвэрийн сайд Г.Ёндон АИ95 шатахууны асуудлаар тайлбар мэдээлэл өгөв.

Тэрбээр "ОХУ-ын зах зээл маш том. Тэд хэдийн үйлдвэрлэгч орон боловч дотоод зах зээл дээрээ шатахууны хангамжийн доголдол үүссэн. Энэ нөхцөл байдалд тус улсын Шадар сад мэдэгдэл хийж, нийт бүтээгдэхүүний экспортод хязгаар тогтоох шийдвэр Засгийн газартаа танилцуулсан. Энэ мэдэгдэл манайд ирсэн. Одоо АИ-95, АИ-98 шатахуун дээр хязгаар тогтоосон. Иймд манай шатахуун импортлогч компаниуд яаралтай арга хэмжээ авч, БНХАУ-ын компанитай хэлэлцээр хийж өнгөрсөн амралтын өдрүүдэд Эрээний боомт дээр 1130 тонн шатахуун ирсэн. Өнөөдөр бидэнд АИ-95 шатахууны 40 орчим хоногийн нөөц байна" гэлээ.