Засгийн газрын ээлжит бус хуралдаанаас гарсан шийдвэрийг танилцуулж байна. Уг хуралдаанаар ЭЕШ-ийг наймдугаар сарын хэдэнд зохион байгуулах талаар хэлэлцсэн юм. 

Энэ талаар Боловсрол шинжлэх ухааны сайд Л.Энх-Амгалан “Засгийн газрын өнөөдлрийн хуралдаанаар ЭЕШ-ын товыг тогтоох талаар хэлэлцлээ. Улмаар ирэх наймдугаар сарын 19-22-ны өдрүүдэд зохион байгуулахаар товлолоо. Ямар учраас ЭЕШ хойшилсон бэ гэдэгт гурван шалтгаан бий. Нэгдүгээрт, халдварын тархалт болон коронавирусээр өвчилж буй хүүхдүүдийн тоо эрс өссөн. Хоёрдугаарт, вакцинжуулалтын явцтай холбоотой асуудал нөлөөлсөн. Гуравдугаарт, 21 аймаг хөл хорио тогтоосонтой холбоотой. Тодруулбал, 330 сумаас аймгийн төв орж ЭЕШ өгөх 7600 хүүхэд хөл хорионд орсон байсан. Энэ жил ЭЕШ өгөхөөр 40 мянга гаруй сурагч бүртгүүлсэн. Анх төлөвлөсөн хугацаанд буюу долдугаар сарын 1-4-ний хооронд ЭЕШ-ыг зохион байгуулсан бол 10 мянга гаруй хүүхэд шалгалтаа өгч чадахгүй байдалд хүрэх байсан” гэв.