Баян-Өлгий аймгийн Цэнгэл сумын Бор бургас багийн Бага түргэний хүрхрээний 22 метрийн өндрөөс 35 настай эрэгтэй долдугаар сарын 12-нд унаж осолдсон хэрэг гарсан. Улмаар хүрхрээнээс унаж осолдсон иргэнийг  долдугаар сарын 16-н хүртэл хайж, үр дүнд хүрээгүй тул эрлийг зогсоогоод байсан. Тэгвэл өчигдөр Бага түргэний хүрээний орчим зугаалж байсан иргэн “15 метрийн зайд усанд чулуунд тээглэж тогтсон нэг хүний цогцос байна” гэсэн мэдээлэл өгчээ. Уг мэдээллийн дагуу тус аймгийн Онцгой байдлын газрын Цэнгэл сум дахь Гал түймэр унтраах, аврах 71 дүгээр анги, Цагдаагийн хэсэг, Шүүхийн шинжилгээний албаны алба хаагчид Орхон аймгийн Бор-Өндөр сумын харьяат 35 настай Д-ийн цогцос байж магадгүй хэмээн тийш хөдөлжээ.