Өчигдөр буюу долдугаар сарын 7-нд Төвийн бүсийн эрчим хүчний сүлжээнд доголдол үүсэж, Улаанбаатар, Эрдэнэт, Дархан, Сэлэнгэ зэрэг төвийн аймагт цахилгаан түр тасалдсан билээ.

Цахилгааны саатлыг мэргэжилтнүүд түргэн шуурхай засаж, орой 21:30 цагт бүх хэсгийг бүрэн засварлаж дууссан байна. Цахилгааны гэмтэл юунаас болж гарсан талаар Эрчим хүчний сайд Н.Тавинбэхээс тодрууллаа. "Цахилгааны гэмтэл гарсан шалтгааны тодруулж, завсарласан. Автомашин мөргөсөн зэрэг ташаа мэдээллүүд явж байна. Тийм зүйл байхгүй. Хамгаалалтын бүсэд буусан барилга барьж байсан компанийн дээврээс юм хийсэж, наалдаад саатал үүссэн. Ер нь саатал үүссэнээс 10 минутын дотор гэмтэл гарсан хэсэгт завсар хийж, цахилгаан тасарсан хэсгийг залгасан. Ингээд 21:30 цаг гэхэд бүх хэсгийн цахилгааныг залгаж дууссан" гэлээ.