АТГ-ын дэд даргын албан тушаалд Г.Азжаргалыг томилуулах саналтай холбогдуулж Хууль зүйн байнгын хороо томилгооны сонсгол хийж байна. 

Энэ үеэр нэр дэвшигч  Г.Азжаргал "Би дэд даргаар томилогдвол НҮБ-ын Авлигын эсрэг конвенци, Монгол Улсын Авилгатай тэмцэх үндэсний хөтөлбөр бусад олон улсын байгууллагаас өгсөн чиглэлийг баримтлан ажиллана. Нэгдүгээрт, авлигагүй орчин буюу авлигын суурьтай тэмцэнэ. Ингэхдээ төрийн үйлчилгээг бүрэн цахимжуулж, хүнээс хамааралгүй болгох ёстой. Мөн зөвшөөрөл өгөх үйлчилгээг мэргэжлийн холбоод, төрийн бус байгууллага руу шилжүүлэх хэрэгтэй. Хоёрдугаарт, хүний нөөцийг чадавхжуулна. Гуравдугаарт, соён гэгээрүүлэх ажлыг сайн сурталчилна. Дөрөвдүгээрт, хууль эрхзүйн орчныг нь сайжруулах шаардлагатай. Ингэхдээ улс төрийн намуудын санхүүжилтийг нээлттэй ил тод болгоно" гэлээ.