Эрүүл мэндийн салбарын эмч, ажилчид Сүхбаатарын талбайд суулт зарлаж буй. Тэд цалин хөлсөө хоёр дахин нэмэгдүүлэх шаардлага тавьж байгаа юм. Тэгвэл талбай дээр суулт зарлаж буй эмч, эмнэлгийн ажилчидтай УИХ-ын гишүүн С.Ганбаатар уулзаж, тэдний шаардлагыг дэмжиж буйгаа илэрхийллээ. 

Тэрбээр "Цар тахлын нөхцөл байдал  хүндэрч байгаа цаг үед ард иргэдийнхээ төлөө эрсдэл үүрэн зүтгэж буй цагаан нөмрөгт баатруудынхаа цалин хөлсийг нэмэгдүүлэхийг дэмжиж байна.  УИХ-д энэ асуудлыг яаралтай горимоор хэлэлцүүлэх шаардлага тавина. Би энэ шаардлагыг Ерөнхий сайд болон, УИХ-ын даргад хүргүүлнэ" гэлээ.