Улсын Онцгой Комиссын шийдвэрийн дагуу  Токио-Улаанбаатар чиглэлийн нислэгээр өнөөдөр 266 зорчигч үүнээс 14 нь нярай хүүхэд ирж байна. Тусгай үүргийн онгоц "Чингис хаан" олон улсын нисэх буудалд 15.50 цагт бууна гэсэн мэдээллийг МИАТ компанийн зүгээс өглөө. Нислэг үйлдэхийн өмнө зорчигчдын халууныг үзэхэд халуунтай зорчигч байгаагүй.  Агаарын хөлгийн ачаанд нэн шаардлагатай эмнэлгийн оношлуур, тоног төхөөрөмжүүдийг авчирч  байна. Энэ удаагийн нислэгт нисгэгч, үйлчлэгчид гээд нислэгийн багийн нийт есөн хүнээс гадна МХЕГ-ын улсын байцаагчид, ХӨСҮТ-ийн эмч нар ажиллаж байна.Тэд нислэг гүйцэтгэснийхээ дараа зорчигчдын адил 21 хоног тусгаарлагдаж, давтан шинжилгээнд хамрагдана  Зорчигчдыг "Хараацайн жигүүр", "Автобус-5", "Эрдэм транс", "Тахилт транс" зэрэг компанийн 8 автобус эмнэлэг, тусгаарлах байрууд руу тээвэрлэхээр бэлэн байдлыг хангасан байна.