The Economist: Америк “агуу” байхаа больж байна

Х. Одончимэг:
Дэлхий дахинд

2020-09-02, 431

Дональд Трампыг Цагаан ордонд ирэхээс ч өмнө америкчууд Умард Атлантын цэргийн эвсэл, ДХБ-т итгэл алдарч эхэлсэн. Харин сүүлийн жилүүдэд АНУ-ын олон улсад үзүүлэх нөлөө буурч, тэд “агуу” байхаа больж буйг “The Economist” онцолжээ.

Одоогоос 75 жилийн тэртээ дэлхийд тэргүүлэгч орнууд ирээдүйн зургийг гаргаж байлаа. Япончууд Сувдан эрэг рүү халдсанаас хэдэн долоо хоногийн дараа Уинстон Черчилль Цагаан ордонд айлчлахад Америкийн Ерөнхийлөгч Франклин Рузвельт даян дэлхийн аюулгүй байдлыг хамгаалах шинэ байгууллагадаа нэр сонгосон тухайгаа өгүүлж байв. Өдгөө НҮБ, Дэлхийн банк, ОУВС, НАТО буюу Умард Атлантын цэргийн эвсэл зэрэг хүн төрөлхтний аюулгүй байдал, сайн сайхан, хөгжлийн төлөөх олон байгууллагын өмнө шинэ шинэ сорилт, давааг цар тахал бий болгов.

Олон улсад тулгамдсан асуудлыг шийдэгч, зөрчлийг арилгагч, туслагч гэсэн имижтэй АНУ гэтэл өнөөдөр аюулт өвчнийг анагаах “хачирхалтай” хувилбар санал болгож буй Трампаар л төсөөлөгдөж байна. Улс оронд нь газар авсан халдварт өвчинтэй тэмцэхийн оронд тэрбээр Хятадыг буруутгах, ДЭМБ-ын санхүүжилтийг зогсоохоор сүрдүүлэх болов. Өнгөрсөн гуравдугаар сард G-7 орнуудын Гадаад хэргийн сайд нарын уулзалтын үеэр америкчууд бүр нэгдсэн мэдэгдэл хийгээгүй.

Олон талт системийг шүүмжилж, дэлхийн буурай орнуудад “тусалдаг” АНУ Уур амьсгалын өөрчлөлтийн асуудлаарх олон улсын тунхагаас гарч, Ираны цөмийн хэлэлцээрээс ч “гараа татав”. Түүгээр зогсохгүй Умард Атлантын цэргийн эвсэл дэх америкчуудын үүрэг оролцоонд ч ноён Трамп эргэлзэж эхэллээ. Дэлхийн худалдааны байгууллагын шүүхэд шинэ шүүгчдийг томилох зэргээр суурийг нь ганхуулах оролдлого ч гаргасан. Ам.долларын давуу эрхэд дулдуйдан таалагдаагүй бүхэндээ хориг арга хэмжээ авч, үүгээрээ эдийн засаг, бизнесийн төдийгүй геополитикийн хувьд ч эрсдэлтэй алхам хийсээр л байна.

НҮБ-ын гишүүн орнууд, тэр дундаа Аюулгүйн зөвлөлийн гишүүд ч Дональд Трамп зөвхөн өөрийн сонирхолд нийцүүлэн нүүдэл хийдэг гэх шүүмжлэл хэлэх нь цөөнгүй. ЮНЕСКО, Хүний эрхийн консулаас гарах шийдвэр нь ч Рузвельт, эсвэл Трумэн баримталж асан далайцтай бодлогоос асар зөрүүтэй, нэг талыг барьсан зүйл байлаа.

Ирээдүй нийтийн төлөө үзэлтнүүдийнх бус, харин эх оронч үзэлтнүүдийнх гэж мэдэгдсэн Дональд Трамп коммунист тогтолцоо задран унасны дараах Америкийн ноёрхол, хүн төрөлхтний төлөөх бодлогод эргэлзэх нөхцөлийг бий болгов. Гэтэл америкчуудын байр суурь өөр. Чикаго дахь олон улсын асуудлаарх зөвлөлөөс танилцуулсан судалгаанаас харвал, арван америк иргэний долоо нь Вашингтон олон улсын тавцанд өрнөж буй үйл явдалд идэвхтэй оролцох ёстой гэж үзэж байна.

The Economist: Америк “агуу” байхаа больж байна

Шинэ мэдээ

Нийтлэлчид