Дуурь бүжгийн эрдмийн театрын уран бүтээлчид "Евгений Онегин" дуурийг энэ сарын 20,21-нд тоглохоор товложээ. Тус дуурь 77,78 дахь удаагаа тоглогдож байгаа бөгөөд театрын тайзнаа 61 жилийн ой нь болж байгаа аж. Тус дуурийн удирдаачаар залуу удирдаач З.Тэлмүүн-Очир ажиллах байна.

      Анх 1963 оны тавдугаар сарын 15-нд энэхүү дууриар анхлан нээлтээ хийсэн бөгөөд Ардын жүжигчин, Төрийн шагналт Ж.Чулуун удирдаачаар, Урлагийн гавьяат зүтгэлтэн Д.Лхасүрэн найруулагчаар, Ардын жүжигчин, Төрийн шагналт Л.Намхайцэрэн тайз, хувцасны зураачаар, Хөдөлмөрийн баатар, Ардын жүжигчин, Төрийн шагналт Д.Лувсаншарав хормейстрээр ажиллажээ.