Эргэлт.мн мэдээллийн сайтын энэ удаагийн “Оюунт Монгол” буландаа  СГЗ, Д.Нацагдоржийн шагналт зохиолч До.Цэнджавыг урьж оролцууллаа. Бид түүний өнөөгийн залуусыг уншаасай гэж хүсэж явдаг номуудынх нь талаар цөөн хором ярилцсанаа уншигч танд дэлгэж байна.

       Монголын нууц товчоо бол монголын соёлын анханд тооцогдох бичгийн дурсгал юм. Монголын Нууц Товчоо нь Монголчуудын уг гарлаас эхлээд Чингис хаан нас эцэслэж Өгэдэй хаан ширээнд суусан үеийг өгүүлсэн байдаг. Нийт 12 бүлэгтэй

ЦОЙЛОГСОД

           Энэ ном еврейчүүдийн амжилт, сэтгэл зүй, зуршил, хүмүүжлийн гайхамшигт нууцын тухай бичсэн ном юм. Дэлхийн хүн амын ердөө нэг хувьд ч хүрдэггүй еврейчүүд яагаад тэрбумтнуудын 25 хувь, Нобелийн шагналтнуудын 22 хувь, Оскарын шагналт найруулагчдын 30 хувь, шатрын аваргын 40 хувь, нэр хүнд бүхий их сургуулиудын профессоруудын 24 хувийг эзлээд байдаг талаар энэ номд өгүүлнэ. Нэг үгээр бол, еврейчүүд яагаад баян байдаг, тэд яагаад ухаантай байдаг, тэд яагаад дэлхийд ингэж цойлж амьдардаг талаар юм. Еврейчүүд “Ухаан байгаа газар мөнгө байдаг” гэж хэлэлцдэг аж. Тэдний тухай дурдсан баримтад хүүхэд байхдаа еврей хүүхэд сурлагаараа тийм ч эхэнд ороод байдаггүй гэнэ. Дөрөв, тавдугаар байрт ч гэх юм уу даа. Сурлагаараа азиуд, хятад, япон, солонгосчууд гялалзаж байдаг аж. Дээд сургууль, коллеж төгсөх үед бол арай гайгүй дээшилчихсэн, тэргүүн эгнээнд биш ч хоёр гуравт ч юм уу үгүй бол бас тэргүүн эгнээний төлөө үзээтэй болчихсон байдаг гэнэ. Тэгээд их, дээд сургуулиа төгсөөд ажил төрөл хийгээд арваад жилийн дараа харахад еврей залуучууд үе тэнгийнхнээсээ цойлоод гараад ирсэн байдаг байна.

ХАРИЗМ

Энгийн үгээр хэлбэл, бусдыг өөртөө татах чадварыг "харизм" гэж хэлж болно. Хүмүүсийн харизмыг төрөлх чанартай холбох нь түгээмэл байдаг ч энэ бол сурч, хөгжүүлж болдог "чадвар" хэмээн "Харизм" номыг зохиогч мэтгэжээ. Манлайллын чиглэлийн нэр хүндтэй мэргэжилтэн Оливия Фокс Кабэйн энэхүү номоо "Соронздон татах урлаг буюу шинжлэх ухааныг эзэмших нь" хэмээн тодотгосон. Та нөлөөллөө нэмэгдүүлж, ятган үнэмшүүлэх чадвараа хөгжүүлье гэвэл одоо танилцуулах "Харизм" номыг заавал унших хэрэгтэй

ЗОХИОЛЧИЙН УРЛАЛ СУДЛАЛ

“Зохиолчийн урлан судлал” гэж шинэ нэр томъёог гаргаж, зохиолч гэж юу байдаг, түүний урлан, уран бүтээл гэгчийн тухай судалж чадлаа гэж харж байна. Зохиолчийн урлан гэдэг бол бүтээгдэхүүний хамгийн халуун “цех”. Зохиогчийн ертөнц рүү хамгийн гүн орох боломжтой судлал шинжлэл мөн юмаа гэж харж байна. Ганцхан хүн зохиолчийн ертөнц, эрдэнэсийн агуй руу орно гэдэг бол хэцүү. Цаашид улам өргөжиж, утга зохиолын арга барил, үзэл бодол, амьдрал, хөдөлмөр гэх мэт бүх зүйлд нэвтэрч, бие даасан судлалын маш том төрөл болох учиртай. Энэ нь уран зохиол сонирхож байгаа залуус, уран зохиолын хичээл зааж байгаа багш нарт их хэрэгтэй зүйл. Энэ төрлийг англи, орос, перс хэл дээр судаллаа. Яг “Зохиолчийн урлан судлал” гэсэн төрөл зүйл байхгүй.