Эх газрын Хятад хөрөнгийг бодлогоо хязгаарласан нь дэлхийн эдийн засагт сөрөг нөлөө үзүүлж байгааг эдийн засагчид анхааруулж байна. Түүнчлэн олон улсын зах зээлд сүүлийн жилүүдэд борлуулалт нь буураагүй байсан чипний эрэлт огцом буурч, Евроазид шинэ төрөлтийн түвшин буурч байгаа ч, хүн амын өсөлт богино хугацаанд дээд хэмжээндээ хүрч болзошгүй байгаа юм.

-ЭДИЙН ЗАСАГ, ЗАХ ЗЭЭЛИЙН ЭРСДЭЛИЙГ ЗОГСООХ ТУРШИЛТ ХИЙЖ БАЙНА-

Хятадын Ардын банкны ерөнхийлөгч Жоу Сяочуан таван жилийн өмнө “Коммунист үндэстэн хурц шийдэл рүү явж магад” гэж хатуу анхааруулж байлаа. Харин түүнээс хойш Жоу Сяочуаны залгамжлагч И Ган эрсдэлээ хязгаарласан нь эдийн засгийн удааширч, зээлийн өсөлт зогсоход хүргээд байгаа гэнэ.

“Ковид тэг” бодлогын хүрээнд БНХАУ-д тогтоосон хөл хорио нь нийгэмд сөргөөр нөлөөлөхийн зэрэгцээ, үл хөдлөх хөрөнгийн зах зээлд “гацаа”-нд оржээ. Нөгөөтээгүүр, Хятадын Ардын банкны залгамжлагч И Ганий бодлогыг хязгаарлалтыг урьд өмнө нь хэзээ ч байгаагүйгээр туршиж байгааг зарим шинжээч шүүмжилж байгаа юм.

И Ган сүүлийн хэдэн долоо хоногт:

• Хөрөнгийн бүтээн байгуулалтаас амьдрал нь хүндрэлтэй байгаа хүмүүст банкаар дамжуулан тусгай зээл олгохоо зарлаж,
• Төрийн өмчит зээл олгогч ААН-үүдийг зээлээ нэмэгдүүлэхийг уриалж,
• Зээл олгогчдын зүгээс тогтоож барих ёстой нөөцийн хэмжээг бууруулах ажил хийжээ.

-ХЯТАДЫН АРДЫН БАНКНЫ ХЯЗГААРЛАЛТ ЮУ БАЙВ-

БНХАУ-ын хувьд АНУ болон Европын орнуудаас ялгаатай нь ханшийн огцом өөрчлөлтөөс зайлсхийжээ.

Зөвхөн Хятадын Ардын банк ч бус БНХАУ-ын Ерөнхий сайд Ли Көцян, Төрийн зөвлөлөөс ч, “ирээдүй рүү хэтрэхгүй” гэсэн болгоомжлолыг дагаж, ирээдүйд ирж болох эрсдэлийг бууруулахад гол анхаарлаа хандуулж байх аж. Энэ талаар Хятадын Ардын банкны өсөлт" номын зохиолч, Гриффитийн их сургуулийн багш Хуй Фэн “Одоо болж байгаа үйл явдал бол Хятадын Ардын банкны заавал туулж өнгөрөх ёстой зүйл. Хэдий өсөлт сул байгаа ч, мөнгөн урамшуулал эдийн засагт ашиг үзүүлэхээс илүүтэй өртгийг өндөр болгоно гэж Төв банк айж байгаа” гэжээ.

                      Харин Хятадын Ардын банкны зөвлөх асан, Бээжин дэх Цинхуа их сургуулийн профессор Ли Даокуй “Ковид тэг” бодлого болон түүний хязгаарлалт эдийн засагт сөрөг нөлөө үзүүлсээр байвал илүү хүчтэй түлхэц өгөх шаардлагатай болно. Хэрэв тэгвэл 2023 оны зургадугаар сар гэхэд зээлийн хүүг дахин 30-50 суурь нэгжээр бууруулах боломжтой гэж үзэж байна” гэсэн байна.

-ЭДИЙН ЗАСГИЙН ИРЭЭДҮЙН ДҮР ЗУРАГ-

Ойрын ирээдүйн эдийн засгийн төлөвт туссанаар технологийн салбар “чих халууцуулах” гэнэ.

Олон улсын эдийн засагт зээлийн хүү хурдацтай өсөж, геополитикийн эрсдэлийн нөлөөтэй тэмцэж, уналтаас болгоомжлох айдсыг өдөөж байгаа учир чипний борлуулалт урьд өмнөх хүлээлтээс ч илүү буурах төлөвтэй байна. Тээвэрлэлтийг хянадаг WSTS буюу Дэлхийн хагас дамжуулагч худалдааны статистикийн төвөөс энэ онд зах зээлийн төлөвөө 16.3 хувь байснаас 13.9 хувь болгон бууруулжээ.  Харин ирэх онд чипний борлуулалт 4.6 хувиар өсөх төлөвтэй байгаа нь 2019 оноос хойших хамгийн их суларсан муу үзүүлэлт болох гэнэ.

-ШИНЭ ТӨРӨЛТИЙН ТҮВШИН УДААШИРЧЭЭ-

Шинэ судалгаагаар 2100 он гэхэд дэлхийн нийт хүн ам 10.1 тэрбумд хүрэх гэнэ.

Эдийн засагч Жеймс Померой цар тахлын үед төрөлт түвшин буурсныг онцлон ярьж байв. Шинэ төрөлтийн түвшин удааширч, удаан өсөлтийн төлөвтэй байгаа хэдий ч, хүн амын өсөлт дээд цэгтээ хүрч, гаднын томоохон орнуудад хүн амаа танах эрсдэл тулгарч  болзошгүй гэнэ.

                      БНСУ-ын жилийн дундаж шинэ төрөлтөөр нэг эмэгтэй бүрд 0.87 хүүхэд ногдож байгаа гэсэн судалгааны дүн гарчээ. Урьд өмнөх жилүүдээ бодвол хэт удааширсан ч, энэ хурдтайгаараа энэ зууны эцэст хүн амаа 60 хүртэлх хувиар бууруулах шаардлагатай гарна. Харин Европ тивд төрөлтийн түвшин өнөөгийнхөөрөө үргэлжиллээ гэхэд, 2070 онд хүн амаа хоёр дахин бууруулж, 400 саяар танах эрсдэлд хүрэх аж.

Өмнө нь НҮБ-аас хүн амын өсөлт дээд цэгтээ хүрч, дэлхийн эргэлт ирэх хугацааг 2080 гэж таамаглаж байв. Харин эдийн засагч Жеймс Померойн хэлж байгаагаар НҮБ-ын таамгаас 40 жилээр татуу буюу 2040 он гэхэд хүн амын өсөлт дээд цэгтээ хүрэх гэнэ.