Азийн залуучуудын "Бахрейн 2025"  III наадмын холимог тулааны тэмцээний хагас шигшээ шатны тулаанууд өнөөдөр явагдлаа. Охидын уламжлалт төрлийн -60 кг-ын жинд тулалдсан “Женко” клубийн тамирчин Бат-Эрдэнийн Өлзийтнаран хагас шигшээд Казахстан Улсын тамирчин Тельманкизи Хадижаг гарт өчих мэхээр буулган авснаар финалд шалгарч алтан медалийн төлөө өрсөлдөх эрхтэй боллоо.

    Б.Өлзийтнаран шөвгийн наймд Киргизстаны тамирчин Абдикеримовыг шүүгчдийн саналаар ялсан юм. Мөн хөвгүүдийн уламжлалт төрлийн -75 кг-ын жинд өрсөлдсөн  “Алдар” спорт хорооны тамирчин Жүгдэрийн Бямбасүрэн шөвгийн наймд Тайландын тамирчин Нагиттасунг Ватчараконг буулган авч хүрэл медалийн болзол хангаад байна.

   Тэрбээр хагас шигшээ шатанд Арабын Нэгдсэн Эмиратын Альхомоуд Салем ялагдсан. Тэмцээний алтан медалийн төлөөх тулаанууд маргааш буюу 10-р сарын 25-ны өдөр Манама хотын “Exhibition World Bahrain Hall” ордонд явагдах болно. “Женко” клубийн тамирчин Б.Өлзийтнаран "Бахрейн 2025" наадмын финалын тулаанаа хийнэ.