• Өнөөдөр 2024-03-29

ИХ ХУРАЛД СҮР ДУУЛИАНТАЙ СОНГОГДСОН П.АНУЖИН ГИШҮҮН СОНГИНОХАЙРХАН ДҮҮРЭГТ ЮУ ХИЙВ

2022-11-25,   1085

       Их хуралд түмний нүдийг баясгаж, сэтгэлийг хөглөхөөс өөр үүрэг хүлээхгүй, сул гишүүний орон зайд суудаг нэлээд хэдэн гишүүн бий. Түүний нэг нь “Мацагтан монгол” хэмээх хоч дагуулсан Монгол тулгатны зуун эрхэм нэвтрүүлгийг санаачлагч, хөтлөгч, УИХ-ын гишүүн П.Анужин.

         Анх УИХ-ын сонгуульд эмэгтэй гишүүдээс хамгийн олон саналыг авсан гэх дуулианы эзэн болохын зэрэгцээ, “Сонгинохайрханчуудын хамгийн муу сонголт байлаа” гэх хэл амыг тэр дагуулсан. Учир нь УИХ-ын сонгуулийн 28 дугаар тойрог буюу Сонгинохайрхан дүүргээс гурван мандатын төлөө 20 гаруй нэр дэвшигчид өрсөлдөхөд МАН-ын гишүүн Н.Учрал, Д.Сумъяабазар, П.Анужин нар сонгогдсон байдаг. Гэвч тус тойргоос УИХ-д сонгогдсон Д.Сумъяабазар өөрийн хүсэлтээр УИХ-ын гишүүнээс түдгэлзэж, Нийслэлийн Засаг даргаар томилогдсон учраас дээрх тойрогт нөхөн сонгууль явуулж, Н.Батшугар сонгогдоод буй. Үндсэндээ П.Анужинг УИХ-ын гишүүнээр сонгогдоход “Гуя дагаж хүзүү боллоо” гэж халаглах хүн цөөнгүй байв. Түүнийг ийн шүүмжлэхдээ улс төрд туршлагагүй хэмээн үзэх нэгэн ч байв. Өөрөөр хэлбэл, эрх зүйч мэргэжилтэй тэрбээр мэргэжлээрээ ажилласан жил нь тун цөөн. Түүнийг олон нийт телевизийн нэвтрүүлгүүдээр нь илүүтэй мэдэх юм.

Ингэж тэр сайн, муу нэр зүүсээр түмэн төлөөлж, төр түшилцэх албанд хоёр жил гаруй хугацаанд зүтгэчихлээ. Үндсэндээ түүнээс тойргийн сонгогчид нь ам асууж, төрд төлөөлөл болгож, сонгосныхоо төлөө хийсэн ажил, санаачилсан хууль, батлуулсан төсвийнхөө хүрээнд ам авах цаг болсон гэсэн үг.

         Хөхөө өвлийн хүйтэн улиралд түлэх түлээгүй, хоногийн хоолгүй хоосон тогоотой иргэд сонгогдсон тойрогт нь хаа, сайгүй байгааг П.Анужин гишүүнд сануулах нь зүйн хэрэг биз. Наанадаж, тойрогт нь сургууль, цэцэрлэгийн хүртээмж ямар байгаа билээ. Тус дүүрэгт амьдран суух иргэдээс нийгмийн халамж авдаг иргэд ч нэлээд олон. Ингээд харахаар Сонгинохайрхан дүүрэгт нийслэлчүүдийн дийлэнх нь оршин суудаг, хүн амын нягтаршлаараа тэргүүнд бичигдсэн хамгийн том дүүргийн төлөөлөл П.Анужин гишүүн байна.

          П.Анужин гишүүний сонгогдсон тойрогт 2021 оны хүн амын тооллогоор 341 мянган хүн оршин суудаг хэмээн бүртгүүлсэн байна. Тэгвэл ажил эрхлэлтийн статистик мэдээллээр 2022 оны есдүгээр сарын байдлаар бүртгэлтэй ажил хайгч иргэдийн тоо 355 байгаагаас 200 буюу 56.3 хувь нь эмэгтэйчүүд, бүртгэлтэй ажил хайгч иргэдийн 18 нь магистр, доктор, 117 нь дипломын болон бакалаврын дээд, 16 нь тусгай мэргэжлийн дунд, 20 нь техникийн болон мэргэжлийн, 164 нь бүрэн дунд, 15 суурь, дөрөв нь бага боловсролтой, нэг боловсролгүй иргэн байна гэх судалгаа гарчээ. Эндээс харахад хөдөлмөр эрхлэлтээрээ Сонгинохайрхан дүүрэг хангалттай сайн үзүүлэлттэй юү, гэвэл үгүй. Түүнчлэн амьжиргааны төвшингөөрөө сүүл мушигдаг дүүргийн нэг. 

        Өөрөөр хэлбэл, УИХ-ын П.Анужинг төр төлөөлөх,  эрхээ бүрэн хангаж, иргэдээ төрд төлөөлөх үүргээ хангалттай сайн биелүүлж байна уу гэдгийг дээрх тоон мэдээлэл бэлхнээ харуулж байна. Ийм үед УИХ-ын гишүүн нь иргэдийнхээ гэрт гурил, будаа, түлх түлээ бариад ордоггүй юм аа гэхэд өргөн хэрэглээний барааны үнийн өсөлтийг хязгаарлах асуудлаар Засгийн газарт шаардлага тавьж, иргэдийнхээ амьдрах, амьд явах эрхийг хангах хууль эрх зүйн орчныг шаардах ёстой бие төлөөлөгч.

ХУУЛИЙН ТӨСЛӨӨ УНШИЛГҮЙ, ӨРГӨН МЭДҮҮЛДЭГ ГИШҮҮН

        Өнгөрсөн хоёр жилийн хугацаанд төрийн түшээдийн сэнтийд суухдаа санаачилсан хуулийн төслөөсөө эргэж буцсан, хэлсэн үгэндээ ороогдсон гээд чамгүй дуулианд холбогдсон. Тухайлбал, тэрбээр нэр бүхий дөрвөн гишүүний хамт Хөрөнгө оруулалтын тухай хуулийн төслийг өргөн мэдүүлж, тус хуулийн төсөлд тусгасан  “Гаднын иргэн байнга оршин суух зөвшөөрөл олгохтой холбоотой заалт” заалт олны хэл аманд өртөж, гишүүдийг багагүй шүүмжилсэн. Энэ хуулийн төслийг хамт өргөн мэдүүлсэн гишүүдийн нэг нь П.Анужин гишүүн байв. Харамсалтай нь, тэрбээр энэ хэл амаас өөрийгөө цэвэрлэж гарах гэсэн дээ ч тэр үү, үнэхээр санаачилсан хуулийн төслөө уншаагүй байсан уу, “Би ийм хуулийн төсөл өргөн мэдүүлээгүй” хэмээн мэлзэж байсан удаатай. Түүнчлэн УИХ-ын Байнгын хорооны хуралдаан дээр дээлийн хээг хуульчлах санаачилга гаргасан нь мөн олны дургүйцлийг хүргэсэн.

       Ийн дуулиантай ч, дулимагхан түшээд УИХ-ын Байнгын хороо даргалах хүртлээ дэвшчихсэн яггүй нэгэн. Тэрбээр өнгөрсөн наймдугаар сараас эхлэн УИХ-ын Нийгмийн бодлогын байнгын хорооны даргаар сонгогдож, хэрэндээ л тушаал дэвшсэн.

ДУЛИМАГХАН ТҮШЭЭДИЙН ДУУЛИАНТ ХЭРЭГ ХААНА ЗАМХРАВ

Мөн тэрбээр УИХ-д сонгогдсоныхоо дараа албан тушаалын хэрэгт нэр холбогдсон удаатай. Тодруулбал, УИХ-ын гишүүн П.Анужинг АТГ-аас эрх мэдэл  албан тушаалаа урвуулан ашигласан гэх үндэслэлээр шалгуулж байв.

    Тодруулбал, УИХ-ын гишүүн асан Р.Будын хүүтэй хамтарч, нийтийн эзэмшлийн газрыг албан тушаал, эрх мэдлээ ашиглан, хүч түрэн булаан авч, эзэмшсэн гэх хэргээр хууль хяналтын байгууллагад шалгагдаж байсан. Баянзүрх дүүргийн IV хорооны нутаг дэвсгэрт байрлах Доржийн гудамжны нийтийн эзэмшлийн газар дээр тэд “Лүнда” нэртэй барилга барьж, цэнгээний газар, биллъяард, авто угаалгын ил зогсоол ажиллуулсан гэдэг. Гэвч энэ хэргийн явц ямар шатандаа яваа вэ гэдэг нь тодорхойгүй байна.

      Түүнчлэн УИХ-д ХОМ-эээрээ нэлээд олны анхаарал татдаг нэгэн. П.Анужингийн жилийн орлого 390 сая төгрөг, 900 сая төгрөгийн үнэлгээтэй нэг орон сууцтай, 280 сая төгрөгийн үнэлгээ бүхий хоёр автомашинтай, 100 сая төгрөгийн үнэлгээтэй газар эзэмшдэг, 520 сая төгрөгийн үнэт эдлэлтэй, 103 сая төгрөгийн хадгаламж, 200 сая төгрөгийн авлагатай. Түүний ХОМ-ээс хамгийн их анхаарал татаж байгаа нь нэг тэрбум 36 сая төгрөгийн үнэлгээ бүхий мал. П.Анужин хурдан удмын 200 адуу, 80 үхэр, 300 хонь, 100 ямаатай, 200 хурдан удмын адуутай гэдэ


ИХ ХУРАЛД СҮР ДУУЛИАНТАЙ СОНГОГДСОН П.АНУЖИН ГИШҮҮН СОНГИНОХАЙРХАН ДҮҮРЭГТ ЮУ ХИЙВ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2
  • Сэтгэгдэл үлдээсэн: 2022-11-25 22:34:00
    Зочин: Юу ч хийхгуй. Чадах ч угуй! Дэндуу сул УИХ!!!
  • Сэтгэгдэл үлдээсэн: 2022-11-25 09:42:47
    Хүмүүн: Их хуралд гишүүдийг төр барилцаж , эх орноо шударга хөгжүүл гэж бид сонгож байгаам . Их хурлын гишүүн хүн бол нийт монголчуудын эрх ашгийн төлөө ажиллах үүрэгтэй болохоос , сонгодсон тойрогтоо ажиллах албагүй . Дүүрэг болон аймгуудын төлөө ажиллах иргэдийн хурлын төлөөлөгч , засаг дарга , засаг даргын тамгын газар , яам болон төрийн албан хаагч нар гээд хэдэн мянган албан хаагч нар байна .
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188