“Х-Түц” продакшны жүжигчин Д.Баттөмөрийг Монгол Улсын гавьяат жүжигчин цолоор шагнахаар болжээ. Тайз, дэлгэцийн урлагт 20 гаруй жил зүтгэж яваа тэрбээр “Трио” уран сайхны киногоороо таван тивийн 17 улсаас 22 шагнал хүртэж, Нэгдсэн үндэсний байгууллагын гурван оффист монгол кино гаргасан түүхэн амжилтаараа бусдыгаа манлайлж, үлгэрлэж яваа авьяаслаг, хөдөлмөрч уран бүтээлч билээ. Мөн тэрбээр Гурвал”, “Эмэгтэй”, “Таарсан хоёр”, “Хөөрхөн ээжтэй охин”, “Овгорын овгор”, “2000”, “Барьцаа 007”, “Нүдээ аниад төсөөл”, “Одод болохын хүслэн”, “Миний эхнэр тагнуулч”, “Өнөр бүл өнөө цагт”, “Ээждээ ир”, “Их хотын залуус”, “Хожлын нүүдэл”, “Улаанбаатар бүтээв”, “Давхар цохилт”, “Ээжээ надтай гэрлээч”, “Болсон явдал”, “Ээжийн дайсан”, “Учиртай гурав” зэрэг олон уран бүтээлийн гол ба туслах дүр тоглосон байна.