БНСУ-ын дуучид Монгол Улсад гэгээн хайрын баярын өдрийг тохиолдуулан тоглолт хийх гэж байгаа билээ. Хоёрдугаар сарын 17-нд болох тус тоглолтод Mc Sniper, Bloo, Kim Hyun Joong нар ирэх билээ. Тус тоглолтод Монголоос Choijoo, Vandebo,Rooсkie нар оролцох юм. Гэгээн хайрын баярын хамгийн гоё бэлэг болсон тус тоглолтод ирэх БНСУ-ын алдарт дуучдыг танилцуулж байна.

 Ким Хён Жүн

          Цэцэгнээс хөөрхөн залуус буюу F4 киноны од дуучин, жүжигчин Ким Хён Жүн. Тэрбээр 1986 оны зургадугаар сарын 6-нд төрсөн бөгөөд SS501 хөвгүүдийн хамтлагийн ахлагч, гол реппер юм. Тус хамтлаг 2005 оны зургадугаар сарын 23-нд "SS501" нэртэй анхны цомгоо гаргаж байжээ. 2011 онд анхны солонгос бие даасан цомог болох Break Down, 2012 онд анхны Япон бие даасан цомог болох Unlimited цомгоо гаргасан юм. Солонгосын "Boys Over Flowers" олон ангит кинонд 2008 онд анхны гол дүрээ бүтээсэн бөгөөд түүнээс хойш “Playful Kiss”, “Inspiring Generation”, “When Time Stopped” зэрэг кинонд тогложээ.

Реппер Bloo

         Downtown Baby дуугаар нь бидний сайн таних реппер Bloo буюу Ким Хён-унг нь 1994 оны аравдугаар сарын 12-нд төржээ. 2015 оны долдугаар сарын 1-нд дебютээ хийсэн. Тэрбээр “Downtown Baby”, “So Rude” болон“I Am” дуу нь түүний хувийн амьдрал, туршлагаас сэдэвлэсэн учраас хэн бэ гэдгийг хамгийн сайн илэрхийлдэг гэж хэлжээ.

MC SNIPER

           Салхиар чам руу киноны дуу болох BK Love дууг дуулсан реппер MC Sniper буюу Ким Жун-ёо. Тэрбээр 2002 оны тавдугаар сарын 17-нд "So Sniper..." нэртэй анхны цомгоо гаргаж байжээ. 1979 оны хоёрдугаар сарын 8-нд БНСУ-д төржээ.