Зурагт зулын хойморт залраад хагас зууныг үджээ. Монгол Улсад телевизийн салбар үүсэж хөгжсөний 53 жилийн ой өнөөдөр тохиож байна. 

1967 оны есдүгээр сарын 27 буюу энэ өдөр МҮОНРТ анхны эфирээ цацаж байсан түүхтэй. Улмаар 1981 онд анхны өнгөт нэвтрүүлгээ бэлтгэн эфирт гаргаж, 1988 оны арванхоёрдугаар сард телевизийн шинэ төв ашиглалтад орсноор өнгөт дүрсийн системээр нэвтрүүлгээ цацах боломжоор бүрэн хангагдсан байна.