Монголбанкнаас эрхлэн гаргадаг дурсгалын зоос нь Монгол Улсыг дэлхийд сурталчлан таниулах төдийгүй түүх соёлоо өвлүүлэн үлдээх зорилго бүхий өргөн утга агуулга, сэдвийн дор дүрслэн бүтээгддэг. Энэ хүрээнд төр, нийгмийн нэрт зүтгэлтнүүдийн алдар гавьяаг мөнхөлсөн цуврал дурсгалын зоосыг 2017 оноос  гаргажээ.

2021 оны хоёрдугаар сарын 2-нд Ардын төр засгийг үүсгэн байгуулагчдын нэг, цэргийн нэрт гарамгай жанжин Дамдины Сүхбаатарын мэндэлсэн өдрийг тохиолдуулан гаргасан дурсгалын зоос нь 50 грамм жинтэй, 50 мм-ийн хэмжээтэй, мөнгөөр бүрсэн зэс зоос бөгөөд 2017 онд анх худалдаанд гаргаж байжээ.