Улсын ерөнхий прокурорын газраас өнөөдөр хэвлэлийн хурал хийсэн. Энэ үеэр “Панамын баримт бичиг” буюу оффшор бүс, гадаадын оронд хууль бус хөрөнгө, орлогоо байршуулсан иргэдтэй холбоотой хэрэгт мөрдөн шалгах, хэрэг бүртгэлтийн ажиллагаа явуулж байгаа гэдгийг мэдэгдлээ. Мөн “Энэ бол 23 хүн, албан хаагчтай холбоотой асуудал. Оффшор бүсэд тэднийг хөрөнгө байршуулсан эсэхийг шалгаж байгаа” гэх тайлбарыг албаныхан өгсөн юм.