Шинэ оны өмнө МҮОНРТ-ийн  Үндэсний Зөвлөлийн гишүүдийг УИХ-ын чуулганаар хэлэлцэж, томилсон билээ. Харин телевизийн ажилчид Үндэсний зөвлөлийн зарим гишүүдийг эсэргүүцэж байсан. Тухайлбал, Үндэсний зөвлөлийн гишүүнд нэр дэвшиж байсан Ч.Батцэнгэл эсэргүүцлийн улмаас нэрээ татсан юм. Тиймээс УИХ-ын 43 дугаар тогтоолоор 2021 оны нэгдүгээр сарын 1-нээс  шинээр Д.Ганболд, М.Наранбаатар, Д.Цоодол, Г.Отгонбаяр, М.Уянга, Ж.Цэсэн, Д.Оюун-Эрдэнэ нар томилогдсон. Тэгвэл өчигдөр хуралдаж, Үндэсний зөвлөлийн даргаар МҮОНРТ-ийн захирал асан М.Наранбаатарыг сонгожээ. 

Мянганбуугийн Наранбаатар нь 1996 онд МУИС-ийн ОУХПС-ийн Гадаад албаны ажилтан, 1996-2006 онд Монголын Үндэсний олон нийтийн телевизд редактор, ахлах редактор, 2006-2015 онд Монголын Үндэсний олон нийтийн телевизийн захирал, 2015-2018 онд МСНЭ-ийн дэд ерөнхийлөгч, 2019 оноос Энх тайван найрамдлын байгууллагын дэд ерөнхийлөгчөөр ажиллаж байгаа юм. Түүнийг МҮОНРТ-д ажиллаж байсан, сайн менежер, уран бүтээлч гэдгээр нь итгэл хүлээлгэн Үндэсний зөвлөлийн даргын албан тушаалд ийн томилсон байна.