УИХ-аас баталсан "Нийтээр тэмдэглэх баярын болон тэмдэгдэт өдрүүдийн тухай хууль"-д заасны дагуу энэ сарын 29-нд буюу маргааш бүх нийтээр амарна. Тодруулбал, арванхоёрдугаар сарын 29-ний Мягмар гарагт Үндэсний эрх чөлөө, тусгаар тогтнолоо сэргээсний 109 жилийн ой тохиож байна.  Энэ өдөр монголчууд үндэсний эрх чөлөөний хөдөлгөөн өрнүүлж, Манжийн дарлалаас салж, Богд хаант Монгол Улсыг байгуулсны ой тохиож буй юм. Мөн эл өдөр "Ерөнхийлөгчийн цом"-ын төлөөх барилдаан хийдэг уламжлалтай боловч өнөө жил хөл хорионоос үүдэн өнжихөөр болсон.