УИХ-ын Төрийн байгуулалын байнгын хорооны өнөөдрийн хуралдаанаар МҮОНТ-ийн Үндэсний Зөвлөлийн гишүүнийг хэлэлцэн шийдвэрлэх юм. Үүнтэй холбоотойгоор тус телевизийн олон нийтийн зөвлөлөөс УИХ-ын гишүүдэд хандан уриалга хүргүүлсэн байна. Тус уриалгад “Олон нийтийн Радио телевизийн тухай хуулийн холбогдох заалтыг зөрчиж нэрээ дэвшүүлсэн УИХ-ын дарга Г.Занданшатарын зөвлөх, улс төрийн албан тушаалтан С.Баярмөнхийг МҮОНРТ-ийн Үндэсний зөвлөлийн гишүүнээр сонгохгүй байхыг УИХ-ын гишүүдэд уриалж байна” гэжээ. 

Мөн “С.Баярмөнх нь шар сонины хэвлэлийн магнат бөгөөд МҮОНРТ-ийн захирал асан Л.Нинжжамцтай ашиг сонирхол нэгтэй учраас түүний алдаа завхарлыг “баллуурдах” гэж Үндэсний зөвлөлийн гишүүн болохоор улайран зүтгэж байна. Цаашид Ерөнхий захирал болох гэж нэр дэвшиж байгаагаас харагдаж байна. Хэрвээ С.Баярмөнхийг Үндэсний зөвлөлд сонгогдсон тохиолдолд телевизийн хамт олон эрс эсэргүүцэж ажил хаялт зарлахаа мэдэгдэж байна” гэжээ.