Эргэлт.мн мэдээллийн сайт МТЗ ТӨХК-нын хэрэгжүүлж буй Зүүнбаян-Тавантолгой чиглэлийн 414.6 км төмөр замын төслийн талаар сурвалжлан хүргэж буй билээ. Бид энэ удаад байгаль орчинд ээлтэй бүтээн байгуулалтын талаар онцлох болно. Зэрлэг ан амьтдад зориулсан гарц гармыг гүүрэн гарц, нүхэн гарц, нэг түвшний гарц хэмээн гурав ангилдаг. Тэгвэл гүүрэн гарц нь 10 метрээс доошгүй урттай байх бөгөөд хажуу налуу нь 30 градусаас багагүй байх ёстой гэнэ. Харин тус бүтээн байгуулалтын гүүрэн гарц нь 500 метрийн урттай хийгдэж буйгаараа онцлогтой. Байгаль орчны яам болон бусад холбогдох байгууллагууд хамтран хулан, цагаан зээр зэрэг зэрлэг амьтадын тархац нутгийг тооцоолж 12 байрлалд гүүрэн гарц хийсэн байна. Харин нүхэн гарц нь давхар үер ус зайлуулах хоолойн үүрэг гүйцэтгэх бөгөөд энэ нь 27 байршилд буюу даацын гүүрний доод хэсэгт хийгджээ.