Баянхонгор аймгийн Шинэжинст суманд НҮБ-ын “Хүүхдийн Сан”-гийн дэмжлэгээр хүүхдийн эрүүл мэнд, бага насны хүүхдийн хөгжил, спортыг дэмжих мянган багцыг хүлээлгэн өглөө. Энэхүү дэмжлэгийн хүрээнд сумын эрүүл мэндийн төвийг эм, эмнэлгийн хэрэгсэл болон орчин үеийн шүдний кабинетаар хангаж, сургуульд спортын иж бүрэн хэрэгсэл, цэцэрлэгт хүүхдийн хөгжлийг дэмжих сургалтын тоглоом, хэрэглэгдэхүүнийг олголоо.

     НҮБ-ын “Хүүхдийн Сан” Баянхонгор аймагтай олон жилийн турш үр дүнтэй хамтран ажиллаж, хүүхдийн эрх, эрүүл мэнд, боловсрол, ус, ариун цэвэр, хоол тэжээлийн чиглэлээр олон бодит ажлыг хэрэгжүүлсээр ирсэн билээ. Цаашид үнэ цэнтэй түншлэлийг улам бэхжүүлж, олон улсын хамтын ажиллагааны үр өгөөжийг нутаг орон, хүүхэд багачууддаа хүргэхийн төлөө тууштай ажиллахаар боллоо.