НҮБ-ын Хөгжлийн Хөтөлбөрийн Суурин Төлөөлөгч Матилда Димовскаг үдэх арга хэмжээ боллоо. Монгол Улсын Ерөнхийлөгчийн Төсөл хөтөлбөрийн зохицуулалт, иргэний нийгмийн зөвлөх Б.Жавхлан Монгол Улсад бүрэн эрхийн хугацаагаа өндөрлөж байна.  НҮБ-ын Хөгжлийн Хөтөлбөрийн Суурин төлөөлөгч хатагтай Матилда Димовскаг үдэх хүндэтгэлийн арга хэмжээнд оролцож, "Цагаан алт" үндэсний хөдөлгөөний хэрэгжилтэд НҮБХХ-ийн үзүүлсэн тууштай дэмжлэгт талархал илэрхийллээ.

    Матилда Димовска бүрэн эрхийнхээ хугацаанд Монгол Улсын хөгжил дэвшилтэй хамт алхаж, түншлэн ажилласан бөгөөд түүний манлайллын дор НҮБ-ын Хөгжлийн хөтөлбөр болон Хүнс, хөдөө аж ахуй, хөнгөн үйлдвэрийн яам 2024 оны арванхоёрдугаар сард уур амьсгалд тэсвэртэй хөдөө аж ахуйг хөгжүүлэх түүхэн Санамж бичигт гарын үсэг зурж, мал аж ахуй Монгол Улсын хувьд эдийн засгийн салбар, өв уламжлал гэдгийг тодотгосон юм.

   Улмаар 2025 оны гуравдугаар сард Дархан хотод “Цагаан алт” хөдөлгөөний хэрэгжилтийг дэмжих олон талт хамтын ажиллагааны платформыг байгуулах төслийн баримт бичигт гарын үсэг зурж, байгаль орчинд ээлтэй арга замаар нэмүү өртөг шингэсэн ноос, ноолуур, арьс ширэн бүтээгдэхүүний үйлдвэрлэлийг нэмэгдүүлэхэд салбарын олон талт хамтын ажиллагааг бүрдүүлэн ажиллах эхлэлийг тавьсан юм.