-ЭДИЙН ЗАСГИЙН СЭРГЭЛТЭЭС ТЭЛЭЛТ РҮҮ-

Цар тахал дундах 2021 онд сүүлийн 40 орчим жил дэх эдийн засгийн хамгийн хурдан өсөлт болсон. Харин 2022 он дэлхийн эдийн засагт хэрхэн нөлөөлөх бол.

Оны төгсгөлд коронавирусийн Омикрон хувилбар хурдацтай тархаж, Холбооны Нөөцийн төвд огцом өөрчлөлт гарсны улмаас 2022 оны дэлхийн эдийн засгийн төсөөллийг “галзуу хулгана”-тай адил болгосон гэж хэлж болно. 2021 оны цар тахлын үед эдийн засгийн сэргэлтийг сайн хийж чадсан ч, олон улсын банкнууд сүүлийн 30 жилийн хамгийн өндөр түвшинд хүрэх хэрэглээний инфляцтай тэмцэж байгаа юм.

           2021 оны төгсгөлд үүсээд байгаа нөхцөл байдлаас шалтгаалан цар тахлын улмаас үүссэн хямралын дунд сэргэж байсан эдийн засаг тэлэлт рүүгээ шилжиж байгаа талаар олон улсын эдийн засагчид онцолж байна. Эдийн засгийн жигд бус тэлэлт нь эрэлт, нийлүүлэлтийн тэнцвэргүй байдлыг үүсгэж, нийлүүлэлтийн гинжин хэлхээний томоохон тасалдал, инфляц өсөхөд хүргэсэн юм. Тийм ч учраас олон улсын зах зээл дэх бизнесүүд 2022 онд эдийн засгийн олон шилжилтийг туулах магадлалтай болоод байна.

Эсвэл бүр дордож эдийн засгийн өсөлт удааширч, геополитикийн зөрчилдөөн нь хэтийн төлөвт эрсдэл дагуулж болзошгүй.

-2022 ОНЫ ЭДИЙН ЗАСГИЙН ШИЛЖИЛТИЙН ТАЛААРХ ШИЛДЭГ ТААМАГЛАЛ-

           Лондонд төвтэй “IHS Markit” компаниас 2022 онд тохиож болзошгүй эдийн засгийн шилжилтийн талаарх 10 таамаглал гаргажээ. Уг таамгыг гаргасан судалгааны багт доктор, профессор Брайан Лоусон, Крис Варварес, Элизабет УэлбрукРоча, Жоэл Праккен, Жон Мотерсоль, Кен Ваттрет, Ражив Бисвас, Сара Жонсон, Тодд Ли нарын мэргэжилтнүүд багтсан байна.

2022 оны эдийн засгийн шилжилтийн талаарх таамагт:

1. “Ковид-19”-ийн шинэ давлагаа нь цар тахлаас илүүтэй эндемик хэлбэр рүү шилжих учир эдийн засгийн сэргэлтийг сааруулахгүй.
2. Нийлүүлэлтийн гинжин хэлхээнд учрах сорилтууд гол салбаруудын үйл ажиллагааг тасалдуулсаар байх ч үнийн өсөлтийн дарамт багасна. 2022 оны эхэнд цалингийн өсөлт хүчтэй байж болзошгүй ч түр зуурынх, инфляц оны II хагасаас эхлэн үе шаттайгаар дараалан буурна.
3. Төв банкнуудын эрсдэлтэй хөрөнгийн ангиллын зах зээлийн нөхцөл байдал улам дордож, олон төрлийн ханшаар мөнгөний хатуу бодлогоо үргэлжлүүлнэ.
4. Хэрэв цар тахалтай холбоотой яаралтай тусламж, хандивиыг цуцлах болбол дэлхий даяар төсөв чангарна.
5. Бүс нутгийн ялгаа үргэлжлэх бөгөөд дэлхийн эдийн засгийн тэлэлтийн хурд удааширна.
6. Төсвийн урамшуулал огцом буурч, хөдөлмөрийн зах зээл чангарна. Зээлийн хүү өссөөр байгаа ч, АНУ-ын өсөлт 2022 оны жишгээсээ дээгүүр түвшинд хүрнэ.
7. Эх газрын Хятад орон сууцны зах зээлийнхээ уналт, санхүүгийн хямралаас урьдчилан сэргийлэх боломжтой ч, дунджаас доогуур өсөх хандлагатай.
8. Өргөн хүрээтэй хөгжиж буй зах зээлд өрийн хямрал үүсэх магадлал бага хэвээрээ байна.
9. ESG эрчтэй өсөх боломжтой ч, эрчим хүчний шилжилтийг хурдасгах бодлого харьцангуй.
10. Геополитикийн хурцадмал байдал улам муудна.