ТАНИЛЦ: АЖ ҮЙЛДВЭРИЙН САЙД Г.ДАМДИННЯМЫН ҮЕЭЛ С.МӨНХБАТЫН ХАМТРАГЧ С.АНХБАЯРЫН “ЭРДЭНЭТ”-ЭЭС ТҮҮЖ БУЙ ТЕНДЕРҮҮД

2025-10-10, 1062

Сүүлийн жилүүдэд “Эрдэнэс тавантолгой”-н хулгайд анхаараад, “Эрдэнэт үйлдвэр”-ээ мартаж орхижээ, бид. Цагтаа, “Эрдэнэс тавантолгой”-г цаасан дээр байхад, “Эрдэнэт үйлдвэр” л улстөрчдийг “тэжээдэг” байсан. Одоо “Эрдэнэс тавантолгой”-н тендер, тээврийн мөнгөн дүн нь ахиу тул тийшээ л хуйлардаг болсон. Гэхдээ "Эрдэнэт үйлдвэр"-ийг эзгүйчилж үлдсэн улстөрчид бий.

“Эрдэнэт үйлдвэр”-ийн Тэсэлгээний бодисын түүхий эдийн тендерийг 2020 оноос хойш нэг л компани хуу хамж, жилдээ багадаа 14 тэрбум, ихдээ 50 тэрбумыг “халаасалж” буй. Энэ онд л гэхэд 35 тэрбумын тендер авчээ. Ноцтой нь, тухайн “Вест вестерн тех” ХХК нь Аж үйлдвэр, эрдэс баялгийн сайд Г.Дамдиннямтай тун ойроор холбогдож байна.

Аж үйлдвэр, эрдэс баялгийн сайд Г.Дамдинням Увс аймгийн Өндөрхангай сумын уугуул, Дарханы суугуул. 2020 оны УИХ-ын сонгуулийн сурталчилгааны үеэр Г.Дамдинням тойрог буюу Дархан хотдоо Улсын аварга С.Мөнхбатыг аваачиж, түүнийг “Миний үеэл” хэмээн танилцуулж, өөрийгөө сурталчлуулсан. 2020 оны УИХ-ын сонгуулиар МАН-ын тараасан сурталчилгааны сэтгүүл дээр ч Улсын аварга С.Мөнхбатын “Удам судраар нь хүнийг таньж болдог. Г.Дамдиннямаасаа би өөрийнхөө нөгөө талыг, ижил зан чанарыг олж хардаг” гэх магтаалын сэтгэгдэл ч бий. Товчхондоо, Улсын аварга С.Мөнхбат үеэл Г.Дамдиннямыгаа УИХ-ын гишүүн болоход нэр нүүр, бараа сүрээрээ багагүй дэм болсон гэсэн үг.

Аж үйлдвэр, эрдэс баялгийн сайд Г.Дамдиннямын үеэл, Улсын аварга С.Мөнхбатын эхнэр Б.Сарангэрэл нь 2021 онд Басангийн Насанбаттай “Альфа медикал центр” ХХК-ийг хамтран байгуулсан. Тэдний “Альфа медикал” сэргээн засах төв нь өдгөө спортынхон дунд ихэд алдартай болоод буй.

Тэгвэл Улсын аварга С.Мөнхбатын эхнэр Б.Сарангэрэлтэй “Альфа медикал центр” ХХК-ийг хамтран эзэмшиж буй Б.Насанбатын нөхөр нь “ДЦС-4” ТӨХК-ийн гүйцэтгэх захирлаар ажиллаж байсан, Увсын аймгийн Түргэн сумын уугуул Сайнжаргалын Анхбаяр гэж хүн бий. Эргэн санавал, Тагнуулын ерөнхий газрын дарга асан Б.Хурц “Хууль зүйн сайд Ц.Нямдорж хуурай дүү С.Анхбаяраар дамжуулж “Эрдэнэт үйлдвэр”-т шахаа хийдэг. Тэдний 42 сая ам.долларын шахааны баримт надад бий” хэмээн хэвлэлийн хурал хийж байлаа. Удалгүй “ДСЦ-4” ТӨХК-ийн гүйцэтгэх захирал С.Анхбаяр албан тушаалаа урвуулан ашигласан, 100 сая төгрөгийн авлига авсан хэргээр баривчлагдаж, 2018 оны намар шүүгдээд, хоёр жилийн хорих ял, төрд ажиллах эрхээ гурван жилээр хасуулах ял тус тус сонссон. Гэвч 2019 оны хавар Улсын дээд шүүх хянаад, хоёр жилийн хорих ялыг нь 27 сая төгрөгөөр торгох ял болгож, төрд ажиллах гурван жилээр хассаныг хэвээр үлдээж байлаа.

Гол асуудал нь, Аж үйлдвэр, эрдэс баялгийн сайд Г.Дамдиннямын үеэл, Улсын аварга С.Мөнхбатын эхнэр Б.Сарангэрэлтэй “Альфа медикал центр” ХХК-ийг хамтран эзэмшигч Б.Насанбат нь нөхөр С.Анхбаяртай “Бест вестерн тех” ХХК-ийг эзэмшдэг. Гэтэл “Бест вестерн тех” ХХК нь 2020 оноос хойш “Эрдэнэт үйлдвэр” ТӨҮГ-ын тэсэлгээний түүхий эдийн бүх том тендерүүдийг авч буй.

Тухайлбал,

2020 онд 14.4 тэрбум төгрөгийн тендер
2021 онд 22.3 тэрбум төгрөгийн тендер
2023 онд 24.9 тэрбум төгрөгийн тендер
2024 онд 50.9 тэрбум төгрөгийн тендер
2025 он гарсаар 35.1 тэрбум төгрөгийн тендер аваад байна.

Нэгтгэвэл, Аж үйлдвэр, эрдэс баялгийн сайд Г.Дамдиннямын үеэл С.Мөнхбаттай “Альфа медикал” сэргээх засах төвийг гэр бүлээрээ хамтран эзэмшдэг С.Анхбаяр, Б.Насанбат хоёр “Бест вестерн тех” ХХК-аараа “Эрдэнэт үйлдвэр”-ээс 147 тэрбум төгрөгийн тендер авсан байна.

Үргэлжлэл бий...

ТАНИЛЦ: АЖ ҮЙЛДВЭРИЙН САЙД Г.ДАМДИННЯМЫН ҮЕЭЛ С.МӨНХБАТЫН ХАМТРАГЧ С.АНХБАЯРЫН “ЭРДЭНЭТ”-ЭЭС ТҮҮЖ БУЙ ТЕНДЕРҮҮД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 7

Сэтгэгдэл үлдээсэн: 2025-10-10 15:42:44

1: Айрай юм аа муу хулгайчууд дамдинням угийн новшийн хулгай л даа
Сэтгэгдэл үлдээсэн: 2025-10-10 09:54:47

Зочин: ALNI SEXSEER URN SHINEGENE AMSI TOMSGN DOLOOJ 80955877
Сэтгэгдэл үлдээсэн: 2025-10-10 09:53:53

Зочин: ANUSDI ******** SEKSEER BOOW XXI DOLOON 80955877VANXANDI SEKSEER
Сэтгэгдэл үлдээсэн: 2025-10-10 09:46:03

анхаа: Түйж байдаг буян юм аа сда
Сэтгэгдэл үлдээсэн: 2025-10-10 08:32:20

Irgen: Muu uvsin hulgaichuud
Сэтгэгдэл үлдээсэн: 2025-10-10 08:32:19

Irgen: Muu uvsin hulgaichuud
Сэтгэгдэл үлдээсэн: 2025-10-10 08:17:29

1: Увсынхан хулгай хийхгүй бол унтаж чаддаггүй юм гэсэн