БСШУ-ы сайд асан Ё.Отгонбаярын эхнэрийн хамаарал бүхий компани Хөгжлийн банканд 17.7 тэрбум төгрөгийн өртэй, найдваргүй зээлдэгчдийн жагсаалтад багтсан талаарх мэдээлэл хэвлэл мэдээллийн хэрэгслээр цацагдсан.

        Ё.Отгонбаяр нь өнөөдөр твиттер хуудастаа “Би хүнтэй суухдаа ах дүү чинь зээлтэй юу гэж асуух ёстой байсан уу” хэмээн бичиж, жиргэсэн байдаг. Тэгвэл тэрбээр сэтгүүлчийг мөн заналхийлж, сүрдүүлсэн байна. Тодруулбал, сэтгүүлч У.Оргилмаа руу “Чамайг очиж ална” гэх утга бүхий чат бичсэн гэнэ. Сэтгүүлч У.Оргилмаа ь өнөөдөр цахим хуудастаа сайд асан Ё.Отгонбаярын ирүүлсэн сүрдүүлгийн захидлыг дэлгэлээ. Тус захидалд “Чи новшийн Зариг.мн сайтдаа хэлээрэй. Хогийн хоёр гар. Та хоёроос болж ах нь салж байна, муу п..да минь. Чамайг олж ална. Миний амьдралыг алсан бол хариугаа авна. Зариг.мн сайттай чинь хамт ална. Та нар тэгж байгаа  бол алалцана, яадаг юм” гэж бичжээ.  

Тэгвэл сэтгүүлчийг сүрдүүлж, амь насанд нь заналхийлсэн сайд асан Ё.Отгонбаяр гэж хэн бэ гэдгийг танилцуулъя. Тэрбээр 1965 онд Улаанбаатар хотод төрсөн. Булган аймгийн Хангал сумын уугуул.

Боловсролын байдал

1982 онд нийслэлийн 10 жилийн 52 дугаар дунд сургууль

1989 онд Москвагийн олон улсын харилцааны дээд сургууль

1995 онд БНЭУ-д Маркетинг, менежментийн сургууль

2000 онд ОХУ-д Дипломатын академийг тус тус төгссөн

2005 онд Москвагийн олон улсын харилцааны дээд сургуульд докторын зэрэг       хамгаалсан.

Дипломатч, Олон улсын харилцааны магистр, түүхийн ухааны доктор.

Эрхэлж байсан ажил, албан тушаал

1982-1983 онд Ардын армийн 282 дугаар ангид байлдагч,

1989-1991 онд Гадаад хэргийн яаманд атташе, I нарийн бичгийн дарга

1991-1996 онд Монгол Улсаас БНЭУ-д суугаа Элчин сайдын яаманд II нарийн бичгийн дарга,

1996 онд Гадаад харилцааны яамны Олон улсын байгууллагын хэлтэст I нарийн бичгийн дарга,

1996 онд НҮБ-ын Байнгын төлөөлөгчийн газарт төлөөлөгч,

1997-2000 онд Баянгол зочид буудал ХК-ий ерөнхий менежер, гүйцэтгэх захирал

2000-2001 онд Гадаад хэргийн яамны Бодлого, төлөвлөлтийн газарт I нарийн бичгийн дарга,

2001-2004 онд Ерөнхий сайдын гадаад бодлогын зөвлөх,

2004-2008 онд МАХН-ын Удирдах зөвлөлд нарийн бичгийн дарга, Ерөнхий нарийн бичгийн дарга,

2007-2008 онд Улаанбаатар хотын МАХН-ын хорооны дарга

2008-2012 онд Боловсрол, Соёл, Шинжлэх ухааны сайд,

2012-2016 онд УИХ-ын гишүүн,

2016-2017 онд Боловсрол, Соёл, Шинжлэх ухаан, Спортын дэд сайд

2017-2021 онд Монгол Улсаас АНУ-д суух Онц бөгөөд Бүрэн эрхт Элчин сайдаар ажиллаж байжээ.

ХӨРӨНГӨ ОРЛОГЫН МЭДҮҮЛЭГ

Нийт орлого: 130.899.000 төгрөг

            Гэр бүлийн орлого: 20.160.000 төгрөг

           Орон сууц, барилга байгууламж нийт дүн: 850.000.000 төгрөг

           Мал, аж ахуй:  Адуу-3, Адуу-1, Хурдан удмын адуу-1

           Мал, аж ахуй нийт дүн: 20 сая төгрөг

          Тээврийн хэрэгсэл: Суудлын жижиг машин,Toyota, Camry- 1

          Тээврийн хэрэгсэл нийт дүн: 60.250.000 төгрөг

           Үнэт эдлэл, урлаг, түүхийн үнэт зүйл нийт дүн: 25 сая төгрөг

           Дотоодын банк, санхүүгийн байгууллагад байрлах хадгаламж, данс, мөнгөн   хөрөнгийн нийт дүн: 11.200.000 төгрөг

          Гадаадын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн: 32.183.000 төгрөг

Зээл: Банк оф америка

Зээл нийт дүн: 21.808.000 төгрөг

Хөрөнгө оруулалт: Нүүдэлчин групп ххк ХК, Мон дулаан трейд ххк ХК, Нүүдэлчин айронресорс ххк ХК, Эрдэнэт фүүдс ххк ХК, Хишигтэн нүүдэлчин ххк ХК, Уул уурхайн үндэсний олборлогч ххк ХК, Эрдэнэт гурил ххк ХК, Хишиг гурил ххк ХК, Нүүдэлчин гурил ххк ХК, Эрдэнэс таван толгой хк ХК, Эрдэнэс таван толгой хк ХК, Эрдэнэтийн овоо ххк ХК (20ш)

Хөрөнгө оруулалт нийт дүн: 30.915.627 төгрөг

Эрх, Патент, тусгай зөвшөөрөл: Эрх-8 гэж 2020 онд мэдүүлж байжээ.