Соёлгүй Соёлын сайдын өмнөөс ичээд байна

2022-01-03, 2240

Тайлбар: Соёлын сайд Ч.Номин Парламент телевизийн “Ярих өнцөг” нэвтрүүлэгт зочноор оролцож, 2021 онд хэрхэн ажилласнаа тайлагнажээ. Энэ үеэрээ “Барууны орнууд бол зэрлэг капиталистууд” гэж хоёр удаа давтаж хэлсэн байна.

Соёлын сайд Ч.Номингийн “солиотой” үйлдэл, санаатай, санаандгүй тарьсан сенсацууд нь дуусахгүй нь ээ. Тэр төрийн түшээдэд төмс бэлэглэсэн, “Гэнэт гарч ирсэн эмэгтэй” гэж өөрийгөө гэнэгүй магтуулсан үйлдлээрээ 2021 онд дуулианы эзэн байсан. Тэгвэл 2022 оныг барууны орнуудыг “Зэрлэг капиталистууд” гэж доромжилсон үгээрээ дуулиан тарьж угтлаа. Үг, үйлдэл, үзэл бодол, өнгөрсөн намтар, өнгө, мөнгө харсан хандлагынхаа алинаар ч соёлын шалгуурт, сайдын сэнтийд тэнцэхгүйгээ баталсаар. Эсвэл од байх, олон нийтийн анхаарлын төвд байх тийм дуртай хүн үү. Салбараа самарч байгаа нь багадаад удахгүй улсаа дэлхийд нүүр хийх газаргүй болгох нь. Дэлхий хавтгай болсныг, Монголд ярьсан яриа минутын дотор дэлхийн нөгөө өнцөгт хүрдэг болсныг, “Зэрлэг капиталистууд” гэж цоллоод байгаа гаднын уран бүтээлчид нь хийсэн ганц киноныхоо орлогоор манай улсын жилийн төсөвтэй тэнцэх мөнгө олдгийг бодохоор соёлгүй Соёлын сайдынхаа өмнөөс нь ичээд болдоггүй. Бас хөгжлөөс хол хоцорсон, хоёр их гүрний дунд хавчуулагдсан хөөрхийлөлтэй орны Соёлын сайд байж дэлхийн кино урлагийн салбарынхныг “зэрлэг капиталистууд” гэж доромжлоод сууж байгааг нь тэд харвал хэчнээн их шоолж, бас эгдүүцэх бол оо.

Хоёр хөрш нүүрээ буруулчихсан, хөөрхий Ерөнхий сайд нь ядаж урд хөрштэйгөө хэрхэн хэл амаа ололцож, хилийн цаана гацсан хувцас, хоол хүнсээ яаж оруулж ирэх тухайд толгойгоо гашилгаж, бас дэндүү жижиг байгаадаа бачимдаж яваа харагдах. Гэтэл Соёлын сайд нь баруун тивийнхнийг “зэрлэг капиталистууд” гэж бардам томроод сууж байх нь хэр нийцэлтэй вэ. Ерөнхий сайд нь гадаад харилцаагаа яаж сайжруулах тухай бодож шаналаад байхад Соёлын сайд нь гадаадуудыг муулаад сууж байх нь хэр авцалдаатай вэ гэж асуумаар.

Монгол хэлний их тайлбар тольд зэрлэг гэдэг үгийг “Хүнд дасаагүй, ёс журамгүй, танхай балмад, дээрэнгүй, догшин” гэж тайлбарлажээ. Харин капиталист гэдэг үгийг “Хөрөнгөтний нийгмийн ноёрхогч, хөдөлмөрийг мөлжигч хөрөнгөтөн” гэж тайлбарласан байна. Тэгэхээр “Зэрлэг капиталист” гэдэг үг нь “Ёс журамгүй, танхай балмад хөдөлмөрийг мөлжигч хөрөнгөтнүүд” гэдэг үг болж хувирах нь. Маш товчоор бол, Соёлын сайд Ч.Номин Монголд кино хийх сонирхолтой гадаадуудыг “хөдөлмөрийг мөлжигчид” гэж цолложээ гэсэн үг л дээ. “Хөдөлмөрийг мөлжигчид” гэж доромжлуулчихаад хэн л мөнгөө бариад манай руу хүрч ирэх вэ дээ.

Түүнчлэн, Соёлын сайд Ч.Номингийн “Зэрлэг капиталистууд” гэсэн хоёр үг нь ч биш тэр хэсгийн нь яриа бүхэлдээ доромж агуулгатай байгаа юм. Тэгвэл ярианых нь агуулгыг харъя. “Барууны орнууд бол зэрлэг капиталистууд. Өөрсдөд нь ашигтай байвал л орж ирнэ. Тэгэхээр бид хууль зүйн орчныг нь тодорхой болгож, “Та нар монголд орж ирвэл ашигтай шүү” гэсэн суурийг тавих ёстой байсан. Тийм учраас миний хамгийн түрүүнд хийсэн ажил юу байсан гэхээр, Кино урлагийг дэмжих тухай хууль дээр маш түргэн ажилласан. Кино урлагийг дэмжих тухай хуульд тэр зэрлэг капиталистуудыг орж ирэхэд Монгол Улсыг сонирхолтой болгох заалтуудыг маш их оруулсан. Тэрний нэг нь буцаан олголт юм. Буцаан олголт нь ямар зарчимтай юм бэ гэхээр, Монгол улсад орж ирж 500 мянган ам.доллараас дээш өртөгтэй кино хийвэл тэр мөнгөнийх нь тодорхой хувийг буцаан олгох зохицуулалттай” гэж ярьжээ. Анзаарвал, “Барууныхан шуналтай мөлжигчид учраас өөрсдөд нь ашигтай санал тавьж байж л манайд ирж кино хийнэ. Тиймээс би Кино урлагийг дэмжих тухай хуулийг боловсруулахдаа шуналтай мөлжигчдөд зориулсан заалтуудыг оруулсан. Би энэ хуульд ашигтай заалт оруулсан учраас тэд орж ирж кино хийх нь тодорхой” гэсэн л агуулга харагдаж байгаа юм. Үндсэндээ “Би Кино урлагийг дэмжих тухай хуулийг барууны шуналтнуудад тусгайлан зориулан их сайн боловсруулсан” гэж өөрийгөө магтаж ядахдаа өрөөлийг доромжилчихжээ гэсэн үг л дээ.

Соёлын сайд Ч.Номингоос өмнө Д.Сарангэрэл Байгаль орчин, аялал жуулчлалын сайд байхдаа яг ийм хандлага цухалзуулж байлаа. Тухайлбал, салбарын сайдын хувиар жуулчдыг татах хуулийн заалтуудын хүрээнд чуулганы индэр дээрээс “Мөнгөтэй урд хөршийнхнийг сэгсрэх боломж байна” гэх өгүүлбэр унагаж, олны дургүйцлийг хүргэж байлаа. Энэ үйлдлээрээ “Соёлгүй байлаа” гэж Ерөнхий сайд У.Хүрэлсүхэд баахан бангадуулсан. Тэгвэл Соёлын сайд Ч.Номингийн “Зэрлэг капиталистууд” гэдэг яриа үүнтэй утга ижил. “Зэрлэг капиталистуудыг Монголд авчирч, кино хийлгээд мөнгийг нь сэгсэрье” гэсэн л санаа шүү дээ. Тэгэхээр Ерөнхий сайд Л.Оюун-Эрдэнэ соёлгүй Соёдын сайддаа банга хүртээх ёстой биз ээ. Эсвэл толгой баяны ганц охин, том артай зэргээс нь айгаад төмс бэлэглэсэн үйлдэлтэй нь адил толгойг нь илээд өнгөрөөх үү.

Соёлгүй Соёлын сайдын өмнөөс ичээд байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5

Сэтгэгдэл үлдээсэн: 2022-01-14 07:38:42

MONGOL: [email protected] $480,000USD BOUGHT MY KIDNEY
Сэтгэгдэл үлдээсэн: 2022-01-04 08:29:19

Zochin: Bodlogo, alsiin kharaa baikhgyi. Negdsen baidlaar zangidaj chadakhgyi bna. Bodlogo kheregtei. Bodlogo, bas dakhin bodlogo
Сэтгэгдэл үлдээсэн: 2022-01-03 23:03:42

Зз: Энэ хар хүүхэн өөрөө үхэр юм уу сарлаг юм уу
Сэтгэгдэл үлдээсэн: 2022-01-03 18:14:23

Зочин: Үнэнийг хэлсэн хүнд хүн өшөөтэй үхэр унасан хүнд нохой өшөөтэй.
Сэтгэгдэл үлдээсэн: 2022-01-03 16:53:57

zochin : iim ch saidtai uls baih ch gej dee neeree ichij uhdeggui ******** hulgaichuud yumaa

Шинэ мэдээ

Нийтлэлчид