Ц.Нямдоржийг нэн яаралтай “тэтгэвэр”-т нь суулгах эсэх тухай асуудал хурцаар тавигдах болжээ. Арга ч үгүй биз дээ. Ц.Нямдоржийг Хууль зүйн тэргүүн дэд сайд байхад Хэнтийн Бэрх тосгонд тоос манарган тоглож явсан 10 настай хүү одоо Ерөнхий сайд болчихсон байхад... Харин түүнийг хэрхэн, яаж “тэтгэвэр”-т нь суулгах вэ гэдэг л толгойны өвчин болж байгаа аж. Хэн хүн халдаж зүрхэлдэггүй хэгжүүн, хэдэр ёдор, хачин адайр төрх, “наад өвгөн чинь хэцүү шүү” гэх айдас хургуулсан имиж бүрдүүлж, үүнийгээ нэг төрлийн хамгаалалтын бүрхүүл маягаар ашиглаж өдий болсон Ц.Нямдоржийг Гүнтийн хаус руу нь илгээх тийм ч амар ажил биш. Нөгөөтээгүүр, Хууль зүйн сайдаар 11 жил ажилласан тэрбээр олон хүний “нууц”, “но”-г мэддэг, тэр нууцаараа “баздаг” биз.
Тэгвэл түүнийг “явчихаас” нь өмнө Ц.Нямдорж төрөөс юу "халаасалсан", хэл аманд байнга өртөж, чихнээс нь хонх уяж байдаг хөвгүүд нь чухам юутай болсныг танилцуулж байна.
40 жил төрд зүтгэсний эцэст 120 мянган төгрөгийн “хадгаламж”-тай буюу хөрөнгөө "нуудаг" Ц.Нямдорж
1981 онд хуучнаар ЗХУ-ын Ленинград хотын Улсын их сургуулийн хуульч мэргэжлээр төгсөж, ирмэгцээ Улсын Ерөнхий прокурорын газарт прокуророор ажиллаж эхэлсэн гэж түүний хувьсгалын намтар эхэлдэг. Түүнээс хойш 1992 онд УИХ-ын гишүүнээр сонгогдож, долоон удаа улирч, саарал ордонд 29 жил суусан. Мөн 1990-1992 онд Хууль зүйн тэргүүн дэд сайдаар томилогдож, түүнээс хойш 2000-2004, 2008-2012, 2017-2020 онуудад нийт 11 жил Хууль зүйн сайдаар ажилласан. Ийм “тууштай” гэмээр намтартай улстөрч одоогоор байхгүй, цаашид ч гарахгүй биз.
40 жил төрийн албанд “зүтгэсэн” арвин намтартай Ц.Нямдорж эсрэгээрээ хамгийн ядуу хөрөнгө орлогын мэдүүлэгтэй. 2020 оны буюу Засгийн газрын хэрэг эрхлэх газрын даргаар томилогдохдоо АТГ-т мэдүүлсэн хөрөнгө орлогын мэдүүлгийг нь харвал, жилийн 35 сая төгрөгийн орлоготой, нийт 150 саяар үнэлэгдэх нэг орон сууц, нэг зуслангийн байшинтай, 29 сая төгрөгийн Тоёота-Венза автомашинтай, долоон сая төгрөгийн үнэт эдлэлтэй, дансандаа 120 мянган төгрөгийн хадгаламжтай, “Эрдэнэс тавантолгой”ХК-д хувьцаа эзэмшдэг гэж мэдүүлжээ. Гайхмаар шүү. УИХ-ын гишүүнээр 29 жил, Хууль зүйн сайдаар 11 ажилласан Ц.Нямдорж 120 мянган төгрөгийн хадгаламжтай гэхээр. Харамсалтай нь, үнэн биш юм. Хэрвээ үнэн байсан бол харамсмаар биз дээ. Байр, автомашинаар нь жишээ авч үзье. Түүний ХОМ-тээ мэдүүлсэн “Toyota Venza” гэдэг машин бол энэ.
Гэтэл Ц.Нямдорж өнгөрсөн хаврын хөл хорионоор “Ланд-200” автомашинд бүртгэлтэй “0052УБҮ” улсын дугаарыг “Лексус-570” автомашинд зүүчихсэн, дүрэм зөрчиж яваад баригдсан байдаг. Мөн Хууль зүйн сайд байхдаа "0101УБҮ" улсын дугаартай, 370 саяын "Лексус-570" унадаг" хэмээн шүүмжлүүлж, "Яамныхан шинэ машин авсан байна лээ, би унадаг нь үнэн" гэсэн тайлбар хийгээд мартагнуулж байлаа.
Байрны хувьд, хэдэн жилийн өмнө “Түрээсийн байранд амьдардаг, зурагтгүй” гэж хүртэл өвөрдүүлж явсан. Гэтэл Гүнтэд байдаг хоёр хүүгийнх нь тансаг ихэр хаус олны хэл аманд байнга л өртдөг. Тэр байтугай, “Иргэдийн шударга шүүх” ТББ-ын Х.Батялалт “Ц.Нямдоржийн гэр бүл 17 орон сууцтай, эдгээрээс 14 орон сууцных нь эх үүсвэрийг шалгаж өгнө үү” гэж АТГ-т хандсан байдаг.
Тодруулбал, эхнэр Ж.Долгормаа нь хоёр байр, нэг хаус, хүү Н.Анхбаяр нь таван байр, хүү Н.Баясгалан нь хоёр хаус, долоон байр, бэр Б.Урантуул нь гурван байртай гэх юм билээ. Эдгээрийг нь уг нь АТГ шалгаж эхэлснээ дуулгасан, тэгээд сураг тасарсан.
Ц.Нямдорж, Н.Анхбаярын хэнийх нь ч ХОМ-т байдаггүй ихэр хаусны “түүх”
Сүүлийн үед Ц.Нямдоржийн хоёр хүүгийн ихэр хаус нийтийн шүүмжлэлийг дагуулж байна. Гэхдээ Чингэлтэй дүүргийн XIX хороо, Гүнтийн I гудамжны 601-А болон Б тоот гэх ихэр хаусны түүх аль 2011 оноос эхлэлтэй. Өөрөөр бол, Ц.Нямдоржийг Хууль зүйн сайдаар ажиллаж байхад баригдаж байсан гэсэн үг л дээ.
Тус хоёр хаусыг Амгалангийн хорих 421 дүгээр ангийн 10 гаруй хоригдол барьсан гэдэг. Тухайн үед барилгын ажил хийж байсан нэг хоригдол нь оргож, нэг нь сахилгын өрөөнд амиа егүүтгэсэн дуулиан дэгдэж, бөөн л юм болж байсан. Ц.Нямдорж “Цензургүй яриа” нэвтрүүлэгт орох үеэрээ энэ тухай “Би хоёр хүүхэдтэй. Миний хүүхдүүдийн бариулсан байшин. Зээл аваад, байгаагаа зараад босгосон. Хоёулаа нийлээд, үсрээд 500 сая төгрөг л болно. Хөрөнгө орлогын мэдүүлэгт нь байгаа. Энэ хоёр байшинг барьж байхад нэг хоригдол унаж нас барсан гээд байгаа нь худлаа. Тэр хоригдол анги дээрээ нас барсан юм. Гадна талын хашаа, караказыг нь хоригдлуудад мөнгө өгөөд, төлбөрийг нь төлж, яриа хийгээд бариулсан. Хоолных нь мөнгийг хүртэл өгсөн баримт надад байдаг юм” гэсэн байдаг. Гэхдээ ийм тансаг зэрэглэлийн хаус Ц.Нямдорж, түүний хүү Н.Анхбаяр хоёрын аль алиных нь ХОМ-д байхгүй. Хөрөнгөө ихэд нууцалдгийн нэг жишээ нь л дээ.
Чухамдаа Ц.Нямдорж Хууль зүйн сайд байхдаа ШШГЕГ-тай яриад, хэдэн хоригдол хянагчтай нь Гүнтэд аваачиж цалинжуулаад хүүхдүүдийнхээ байшинг бариулсан хэрэг л дээ. Ажилгүй барилгын бригадууд “100 айл”-аар дүүрэн байхад хоригдлуудыг аваачиж бариулсан нь Хууль зүйн сайдын зангараг харуулах гэсэндээ юу, эсвэл мөнгөө хэмнэх гэсэндээ юу, мэдэхгүй. Ямартай ч хоригдлуудаар хувийн хаусаа бариулахыг Ц.Нямдорж л сэдэж, бодож, бодит ажил болгож чадах байх.
Суусан газраа тас шигддэг Ц.Нямдоржийн занг өвлөсөн хүү
Сонин шүү, “Ц.Нямдоржийн хүү Н.Анхбаяр төрийн албанд ажиллаж байна, энэ бол ашиг сонирхлын зөрчил” гэж нийтээрээ шүүмжлээд 14 жил болжээ. Н.Анхбаяр ч нас ахиж, олон нийт ч залхсан байна. Өөрөөр бол, “Ц.Нямдорж, Н.Анхбаяр гэх аав хүү хоёр хамтдаа төрд ажиллах нь зөрчил” гэж шүүмжилж байх 14 жилд Н.Анхбаяр Гадаад харилцааны яамны бүх л том албан тушаалд суугаад, бүр Ерөнхий консул хүртэл болоод амжчихсан байна.
Тухайлбал, Нямдоржийн Анхбаяр 2000-2002 онд УИХ-ын тамгын газарт туслах, 2003-2004 онд УИХ дахь хуучнаар МАХН-ын бүлгийн ажлын албанд референтээр ажиллаж байсан. Улмаар 2007 онд Гадаад харилцааны яамны Гэрээ, эрхзүйн газарт мэргэжилтнээр ажиллаж эхэлснээс хойш 14 жил тус яамнаас “уяатай” явна. Тухайлбал, Гадаад харилцааны яамны гэрээ, эрхзүйн газрын дэд захирал, Төрийн захиргааны удирдлагын газрын Хуулийн хэлтсийн дарга, Олон улсын гэрээ, эрхзүйн газрын Хүний эрхийн хэлтсийн дарга, Консулын газрын дэд захирал, одоо Төрийн нарийн бичгийн даргаар ажиллаж буй. Мөн энэ хооронд хоёр жил АНУ-ын Сан-Франциско хотод суух Ерөнхий консул байсан. Авсрали улсад суух элчин сайдад нэр нь яригдаж байсан. Ц.Нямдоржтой усны дусал мэт хоёр адил зан нь байгаа газраа бат бөх шигдэж, ямар ч үед албан тушаал ахиж байдаг, нөгөө нь хөрөнгөө тас “нуудаг” аж.
Н.Анхбаярын 2020 оны ХОМ-ийг нь харвал, жилийн 52 сая төгрөгийн орлоготой, 376 сая төгрөгөөр үнэлэгдэх хоёр орон сууц, нэг зуслангийн байшин, хоёр авто гражтай, 75 сая төгрөгийн үнэ бүхий лексус-350 нэг, тоёота жийп нэг автомашинтай, дансандаа 21 сая төгрөгийн хадгаламжтай, “УБ Нью легал” ХХК-д хувьцаа эзэмшдэг гэж мэдүүлжээ.
Н.Анхбаяр “Анлимитед” ХХК-иараа “Эрдэнэт үйлдвэр”-т 760 мянган ам.долларын бараа “шахсан”, Гадаад руу томилж явуулсан дипломат ажилтнууд нь хар тамхи тээвэрлэсэн хэрэгт орооцолдсон гээд бараан намтар олонтой. Гэсэн ч тэр албан тушаалаас буудаггүй, хариуцлага гэгч зүйл түүнээс хаа холуур өнгөрдөг талтай. “Эрдэнэт” үйлдвэрт бараа “шахсан” асуудал нь ид шуугиан тарьж байхад Н.Анхбаяр өөрөө “Хоёр удаа 300-400 мянган ам.долларын худалдан авах ажиллагаанд оролцсон. Хөдөлгүүрүүд нийлүүлж байсан. Тэр үед дипломат албанд ажилд ороогүй байсан. Одоо бол тэгэхгүй. Эргээд харахад ёс зүйгүй үйлдэл байжээ” гэх тайлбар өгсөн байдаг. Харин Ц.Нямдорж “Хүү минь “Эрдэнэт” рүү гэрээ хийхээр явахад нь таньдаг хүн рүүгээ утасдаад “Хууль номын дагуу хийгээд өгөөч” гэж хүссэн юм” хэмээн хэв нэг тайлбар хийсэн удаатай. Ингээд л энэ асуудал мартагдсан.
Эрх баригч намын төв байранд ресторан ажиллуулдаг “эрх” хүү
Ц.Нямдорж Хууль зүйн сайд байхдаа автомашиндаа зүүж байсан “0101УБҮ” улсын дугаараа сайдаас буухдаа төрсөн хүү Н.Баясгалангийнхаа “Кластер” ХХК-д шилжүүлсэн нь бас нэг дуулианы сэдэв болж байв. Магад, Ц.Нямдоржийн бага хүү Н.Баясгаланг хүмүүс тэр үед илүү мэддэг болсон байх.
Н.Баясгалан ах Н.Анхбаярыгаа бодвол, төрийн алба руу зүтгээгүй. Магад, аав, ах хоёр нь төрд зүтгэж байхад ард нь хэн нэгэн нь бизнесээ хариуцах хэрэгтэй гэсэн тактик байх л даа. Нямдоржийн Баясгалангийн нэр дээр “Ажиагюлф трейдинг” ХХК, “Анлимитед” ХХК, “Баясгалант медикал” ХХК, “Кластер” ХХК, “Кластер дайнинг” ХХК, “Электролэд холдинг” ХХК, “Агт говь майнинг” ХХК-иуд бүртгэлтэй байдаг. Нэмээд хоёр хаус, долоон байртай гэх мэдээлэл бий. Дээрх компаниудаас илүү ажиллагаа нь арай ил тод байдаг нь “Кластер” ХХК.
Н.Баясгалан нь “Кластер” ХХК-иараа дамжуулан эрх баригч МАН-ын төв байр буюу Тусгаар тогтнолын ордны хоёр давхарт “Eclipse” гэх тансаг зэрэглэлийн ресторан ажиллуулдаг байсан. Ажиллуулаад их удсан. Нэг дор 200-250 хүн хүлээн авах хүчин чадалтай, хурим найр, ёслол хүндэтгэлийн бүхий л арга хэмжээг зохион байгуулдаг тансаг зэрэглэлийн ресторанд тооцогддог байсан. Гэхдээ өнгөрсөн есдүгээр сард үйл ажиллагаагаа зогсоож байгаагаа цахим хуудсаараа мэдэгдэж, үнэнч үйлчлүүлэгчдээсээ хүлцэл өчсөн байна лээ. Ц.Нямдоржийн нас явж, эрх мэдэл нь хумигдахын эрхэнд эрх баригч намын төв байранд ресторан ажиллуулж, архи, виски зарж, хоол ханхлуулаад байх хэцүү болсон байх л даа.
Ц.Нямдоржийн гэр бүлийн “нууцлаг” хадагтай нар...
Ц.Нямдоржийн гэр бүлийн эмэгтэйчүүд ихээхэн нууцлаг байдаг. Эхнэр Ж.Долгормаа нь НЗДТГ-ын Үйлдвэр, үйлчилгээний хэлтсийн даргаар ажиллаж байхдаа аж ахуйн нэгжүүдэд архины зөвшөөрөл олгох нэрээр авлига авдаг байсан гэх муу нэртэй.
Том хүү Н.Анхбаярын эхнэр Б.Болорсувд нь Засгийн газрын хэрэг эрхлэх газрын хүний нөөцийн ахлах мэргэжилтэн, ЗГХЭГ-ын харьяа Төр, засгийн үйлчилгээний албанд хүний нөөцийн ажилтан байсан. Гэхдээ Ц.Нямдоржийг ЗГХЭГ-ын дарга болохтой зэрэгцээд ажлаа өгсөн бололтой юм билээ. Арай ч, аав, хүү, бэр гурав зэрэгцээд Засгийн газарт ажиллаад байвал дэндсэн хэрэг болно гэж бодсоных байх. Гэхдээ Ц.Нямдорж бэрээ ажилгүй суулгаад байх хүн биш байх.
Бага хүү Н.Баясгалангийнх нь эхнэр Б.Урантуул нь нэр дээрээ гурван байртай гэх мэдээлэл байдаг. Улсын бүртгэлд бүртгүүлснээр бол тухайн байрууд дээрээ Японы иргэнтэй хамтран хоёр ч гоо сайхны үйлчилгээний компани байгуулсан бүртгэл байдаг юм билээ.
Монголын төрд 30 жилийг элээсэн Ц.Нямдоржийн гэр бүлийг цухас танилцуулахад ийм. Хууль зүйн сайдаар 10 гаруй ажил ажилласан атлаа өөрөө ч, хүү нь ХОМ-ээ үнэн зөв бөглөх хуулиа биелүүлдэггүй, тансаг хаус бариулсан, "Эрдэнэт" үйлдвэрээс тендер "гувчуулж" шахаа хийсэн асуудлууд нь ил болчихоод байхад хариуцлага хүлээдэггүй гээд унавал унах хангалттай олон хар түүхтэй. Гэхдээ яагаад ч юм тэр унадаггүй, түүний булхай, "но" бүр нь тэгсгээд л мартагддаг аж.
| Саарал ордноос 30 жил "гараагүй" Ц.Нямдорж болон түүний хөвгүүд "юутай" болсон бэ |
|
.jpg)
Г.ТУЯА: ААВ МИНЬ ӨРНӨДИЙГ ЗОРЬСОН СУРАГЧДЫН НЭГ, ЭЭЖ МИНЬ Б.ЛОСОЛ САЙДЫН ЭХНЭР ГЭДГЭЭРЭЭ ХЭЛМЭГДЭЖ, ЦААЗЫН ДЭЭД ЯЛ СОНССОН ХҮНД АМЬДРАЛ ХҮҮХДҮҮДИЙГ НЬ Ч ТОЙРООГҮЙ
X ТОЙРОГ: “НҮҮРСНИЙ ХУЛГАЙ”-Н Т.АЮУРСАЙХАН, “НОГООН АВТОБУС”-НЫ Ж.СҮХБААТАРЫН ОРЫГ ЗАЛГАХ МАРАФОН БУЮУ МАН-ЫН ГОРИЛОГЧИД
ЭРГЭЛТИЙН ТОЙМ: ГАДНЫН ТӨРИЙН ӨНДӨР АЛБАН ТУШААЛТНУУД АЙЛЧИЛЖ, ЭЛЧИН САЙДУУДЫГ ТОМИЛОХ ШИЙДВЭР ГАРГАЖ, Ц.ЭЛБЭГДОРЖ, П.ЦАГААН НАРЫН ЗУРВАСЫГ ИЛ БОЛГОСОН ДОЛОО ХОНОГ
ТАНИЛЦ: “ПАРИС 2024” ОЛИМПЫН НААДАМД ОРОЛЦОХ ЭРХ ХҮРТСЭН МОНГОЛ ТАМИРЧИД
ХАР ТАМХИНЫ ХЭРЭГТ ХОЛБОГДСОН МОНГОЛЫН ОДУУД
ЦЕГ: Өмгөөлөгч Г.Батбаяр “Богд хаан” амралтын газрын автомашины зогсоолоос амиа алдсан байдалтай олдсон
Д.ДАГВАДОРЖ: Долдугаар сарын 7-нд циркийнхээ түүхт 80 жилийн ойг нөхөж тэмдэглэнэ
Амралтын өдрүүдэд нөөцийн махны өргөтгөсөн худалдаа үргэлжилнэ
ЧУУЛГАН: УИХ-ын гишүүн Н.Энхбаярыг БНХАУ-д суух Элчин сайдаар томилохыг дэмжлээ
Парис хот руу аялах азтанууд тодорлоо
Үндэсний номын сангийн шинэ барилгыг тавдугаар сард нээхээр төлөвлөж байна
Ботаникийн эцсээс Улиастайн гүүр хүртэлх авто замыг хааж, хэсэгчлэн засварлана
ХУТАГ-ӨНДӨР СУМЫН СУРГУУЛИЙН ЗАХИРАЛ: Дотуур байрны хүүхдийн унтлагын тасагт хяналтын камер суурилуулаагүй
ХҮРЭЭЛЭН БАЙГАА ОРЧНЫ ЭСРЭГ ХЭРГИЙН 67.5 ХУВЬ НЬ ХУУЛЬ БУСААР АШИГТ МАЛТМАЛ ОЛБОРЛОХ, МОД БЭЛТГЭХ ГЭМТ ХЭРЭГ БАЙНА
Э.БАТШУГАР: Зээлдэгчийн онооны системийг нэвтрүүлснээр зээлийн хүү, барьцаа хөрөнгийн шаардлага багасна
ДЭЛХИЙН ОЮУНЫ ӨМЧИЙН ӨДӨР ТОХИОЖ БАЙНА
Их Британиас Монгол Улсад англи хэлний хөтөлбөр хэрэгжүүлэхэд зориулж 10 сая фунтийн дэмжлэг үзүүлнэ
Эрүүл мэндийн даатгалын сангаас 18 сая төгрөг зарцуулсан буруутай этгээдээр нөхөн төлүүлэхээр болжээ
БОРНУУР СУМЫН ЗДТГ-ЫН ДАРГА: 11 НАСТАЙ ХҮҮ АЙЛЫН МОРЬ УНАЖ БАЙГААД МОРИНООСОО УНАЖ, АМИА АЛДСАН НЬ ҮНЭН
ЛУ.ГАНТӨМӨР: МАН ОДОО БОЛНО, АРАЙ ХЭТЭРЧ БАЙНА. ТАХИМАА ӨГЧ СУР
Т.ЧИМГЭЭГИЙН АХ Т.ХҮРЭЛБАТ: ДҮҮ МИНЬ УЛСААС 48 ТЭРБУМ ТӨГРӨГ НЭХЭМЖЛЭЭГҮЙ
“Шунхлай” группийн 7878 ажилтны нэрийн дансанд “АПУ” ХК-ийн 3.1 сая ширхэг хувьцаа байршуулж дуусжээ
Т.ДОРЖХАНД: Сонгуулийн ерөнхий хороонд саналын хуудас тусдаа байх, нам, нэр дэвшигчийн нэр мэдээллийг тодорхой тавих шаардлагыг хүргүүлж байна
УБТЗ: Ажилчдынхаа цалинг 10 хувиар нэмнэ
Элсэлтийн шалгалтын бүртгэл өнөөдөр дуусна
Баян-Өлгий аймагт хаагдсан зам, давааг нээх ажиллагаа үргэлжилж байна
МУГЖ О.БАТ-ӨЛЗИЙД ТӨРСӨН ӨДРИЙН МЭНД ХҮРГЭЕ
Үндэсний аудитын газар нам, эвслийн мөрийн хөтөлбөрт хийсэн дүгнэлтээ ирүүллээ
"Дурлалын ундаа" хошин дуурийг энэ сарын 27,28-нд тоглоно
УЛААНБААТАР ХОТ ОРЧМЫН 13 САЛБАР ЧИГЛЭЛ, 37 ТӨСӨЛД 7,4 ТЭРБУМ ТӨГРӨГИЙН ЗЭЭЛ ОЛГОХООР БОЛЛОО
"AGRI SHOWCASE 2024" АРГА ХЭМЖЭЭ ЭРДЭНЭТ ХОТОД ЗОХИОН БАЙГУУЛАГДЛАА
Чөлөөт бөхийн олимпын сүүлийн эрхийн төлөө өрсөлдөнө
Б.Мөнх-Эрдэнэ, Б.Бадамдорж нар олимпын эрхийн төлөө өрсөлдөнө
Аялал жуулчлалыг хөгжүүлэх 55 тэрбум төгрөгийн хөнгөлөлттэй зээлийн хугацааг сунгана
СОНГУУЛИАР САНАЛ ЦАРАЙЧЛАХ УЛСТӨРЧДИЙН ИРГЭДИЙГ ХУУРАХ АМЛАЛТУУД
ТҮҮНТЭЙ "ХАЙРЫГ ХАЙРЛА" ЖҮЖГИЙН ТУУЛЫН ДҮРЭЭР УУЛЗАХ НЬ
X ТОЙРОГ: Ц.ЭЛБЭГДОРЖ, З.ЭНХБОЛД, ЛУ.ГАНТӨМӨРИЙН “ТАВИУЛ”-УУДААР ТОЛГОЙЛУУЛСАН АН-ЫН ГОРИЛОГЧИД
“ГУРАВДАГЧ ХӨРШ”-ҮҮДИЙН ШИНЭ СОНИРХОЛ
Б.ЦОГТ-ОЧИР: Монголын хөнгөн жингийн дотоодын өрсөлдөөн ширүүн байдаг
ДОЛООН САРТАЙ ХҮҮГЭЭ ӨВӨРТӨЛЖ ЯВААД АМИЙГ НЬ ХӨНӨӨЖЭЭ
Г.БАЯРСАЙХАН: Ерөнхийлөгч асан Ц.Элбэгдорж, Х.Баттулга нар залуу үедээ зайгаа тавьж өгөх цаг нь болсон
Т.ИРЭЭДҮЙ: “НҮҮРГҮЙ ХҮН” КИНОГООР ЦАХИМ СҮЛЖЭЭНИЙ БУРУУ ХЭРЭГЛЭЭ ЯМАР ХОР ХӨНӨӨЛТЭЙГ ХАРУУЛАХЫГ ХИЧЭЭСЭН
