Монгол Улсын Тод манлай уяач Л.Цандэлэг, ХМХГ-ын дарга Л.Эрдэнэчулуун нарын талаар цахим орчинд багагүй шуугиан дэгдээд буй. Бид энэ талаар Монгол Улсын Тод манлай уяач Л.Цандэлгээс тодрууллаа.  

             Тэрбээр “Би энэ сарын 22-ны өдөр 10 тооны адуу оруулж ирсэн юм. Гэтэл тавыг нь оруулах боломжгүй гэсэн шалтгаанаар хоёр улсын дунд долоо хоног гацчихаад байна. Тодруулбал, Замын-Үүдийн мэргэжлийн хяналтын байгууллагаас  “Хятад руу буцаа” гэсэн чигэлэл өгсөн юм билээ. Харин хятадын тал “Хүлээж авах боломжгүй” гэж мэдэгдсэн. Үржлийн бус адийг хилээр нэвтрүүлэхэд тусгай зөвшөөрөл шаарддаггүй. Засаатай адуунаас өөр үржлийн бус адууг хилээр нэвтрүүлэхгүй гэж заасан хууль ч байхгүй. Телевизээр гардаг шигээ хүмүүсийг загнаад сууж байдаг Л.Эрдэнэчулуун гэх эмэгтэй төрийн ажлыг өөрийнхөө хувийн мэт аашилж байна. Замын-Үүд морь идэх өвсгүй, усны асуудалтай. Ийм хүнд нөхцөлд, машины  халуун тэвшин дээр байгаа морьд их л зутарч байгаа байхдаа.

Засаатай адуунаас өөр үржлийн бус адууг хилээр нэвтрүүлэхгүй гэж заасан хууль ч байхгүй.

Замын-Үүдийн Мэргэжлийн хяналтын газрын н.Болд гэх мэргэжилтэн намайг “Та даргаар яриулчих аа Л.Эрдэнэчулуун дарга гаргахгүй гээд байна” гэж хэлсэн. Тэгэхээр нь би Мэргэжлийн хяналтын ерөнхий газрын даргад хандсан. Гэвч “Л.Эрдэнэчулууныг дийлэхгүй байна аа” гэхээс өөр хариу өгөөгүй. Би хар тамхи биш, халуун хошуутай мал оруулж ирэхийн тулд Л.Эрдэнэчулууныг царайчилж байна. Халуун хошуутай малын буяныг ингэж гомдоож болохгүй. Бүхэл бүтэн төрийг төлөөлсөн, хил хязгаарын байгууллага байж яах нь мэдэгдэхгүй, ойлгомжгүй байгаад харамсаж байна. Хоёр хилийн голд гацсан морьдоо авахын тулд би хууль хяналтын байгууллагаар явна” гэв.