Нийтийн тээврээр коронавирусийн халдвартай хүн үйлчлүүлсэн байж болзошгүй тул Таван шар чиглэлийн автобусанд зорчиж явсан иргэдийг  15:30 цагийн орчимд тусгаарлажээ. Энэ талаар Нийтийн тээврийн үйлчилгээний газрын дарга Ч.Сайханбаяраас тодруулахад “Нарийн мэдээлэл өгөх боломжгүй байна. Коронавирусийн халдвартай хүн зорчсон байж магадгүй тул хамт зорчиж явсан иргэдийг автобусан дотор нь тусгаарлаад байна. Одоогоор автобусан дотор хэдэн хүн байгааг тодорхой хэлэх боломжгүй. Дөнгөж сая ХӨСҮТ-өөс шинжилгээний баг гарч, автобусанд тусгаарласан иргэдээс шинжилгээ авахаар хөдөлж байна гэнэ. Аль чиглэлийн нийтийн тээвэр гэдгийг нь мэдэхгүй байна” гэв.