Чингэлтэй дүүргийн 10 дугаар хороонд байрлах “Шинэ амт” цех нь шаардлага хангахгүй нөхцөлд үйлдвэрлэл эрхэлж байсан нь тодорхой болжээ. Тодруулбал, эрүүл ахуйн шаардлага хангахгүй бохир нөхцөлд чихэрлэг соустай тахиа, шарсан зайдас үйлдвэрлэж байсан зөрчил илэрсэн байна. Иймд нийслэлийн Мэргэжлийн хяналтын газраас тус цехэд Зөрчлийн хуулиар арга хэмжээ авч, үйл ажиллагааг нь түр зогсоолоо.

Иймд хэрэглэгч та бүхэн мах махан бүтээгдэхүүн худалдаж авахдаа хаяг шошго, үйлдвэрлэсэн он сар хугацааг сайтар шалгаж худалдан авалтаа хийхийг уриалж байна.